Óńírlík kommunıkatsıyalar qyzmetí bíraz kún būryn kópbalaly ana Gúlzıra Sarsembaeva turaly syujet jasaǵan bolatyn. Bes balany bír ózí asyrap, bírneshe jerde jūmys ístep júrgen osyndaı batyr anaǵa bolysqysy kelgender kóp ūzamaı habarlasyp, Gúlzıraǵa kómekteskísí keletínín aıtqan.
Alǵashqylardyń bírí bolyp almatylyq Irına qońyrau shaldy, - dep habarlaıdy Aqshamnews.kz.
Ístegenín dabyralatpaı, artyq eshteńe aıtpaı, Irına azyn-aulaq qarjy audardy. Syujettí Lınara degen kásípker de kórgen eken. Ol da únsíz qalmaudy jón kóríp, balalarǵa bastan-ayan kıím-keshek alyp beretín boldy.
Jańa jyldyń aldynda bárí bírge «Almaty mollǵa» baryp, balalarǵa kıím tańdady. Kásípker kıím ǵana alyp bermeı, qarjylaı kómek te berdí.
Qala tūrǵyndarynyń syujetke qoldau bíldírgenín kóríp, janashyr da meıírímdí jandar aramyzda kóp ekeníne kózímíz jettí. Osyndaı ıgí íske ūıytqy bolǵanymyzdy maqtanysh etemíz.
Qıyn jaǵdaıǵa tap bolǵan jandar turaly syujettí Óńírlík kommunıkatsıyalar qyzmetí alda da jalǵastyrmaq oıda. Óıtkení, mūndaı kómekke mūqtaj adamdar álí kóp.