Almatylyq sportshy Ádílet Sherí Ózbekstan astanasy Tashkentte ótken jasóspírímder arasyndaǵy taekvondodan (WT) álem chempıonatynda qola júldeger atandy, – dep habarlaıdy aqshamnews.kz tílshísí.
Almaty qalasy Sport basqarmasy ókílderíníń málímetínshe, sportshy 51 kelíge deıíngí salmaq dárejesínde synǵa túsíp, jarystyń sońǵy kúnínde ūlttyq qūrama qorjynyna júlde saldy.
Jartylaı fınalda Ádílet Sherí Tunıs ókílímen kezdestí.
Basqarma mamandarynyń aıtuynsha, álem chempıonatynyń qorytyndysy boıynsha almatylyq sportshylar ekí qola medal ıelendí, al Qazaqstan qūramasynyń qorjynynda bes júlde bar.
Ūıymdastyrushylardyń málímetíne sáıkes, chempıonatqa álemníń 119 elínen shamamen 1000 sportshy qatysty.