Almaty qalasynyń ákímí Darhan Satybaldy atmosferalyq auany qorǵau qaǵıdalaryn íske asyru ayasynda statsıonarlyq shyǵaryndylar kózderíne baqylaudy kúsheıtudí tapsyrdy, – dep habarlaıdy aqshamnews.kz tílshísí.
Sońǵy málímetterge sáıkes, statsıonarlyq kózder — energetıka nysandary, bıznes subektílerí (qoǵamdyq tamaqtanu oryndary, monshalar) jáne jeke tūrǵyn sektor — qaladaǵy jalpy shyǵaryndylardyń shamamen 40 paıyzy bolady. Būl baǵytta júıelí árí qatań baqylau ornatudyń qajettígín kórsetedí.
Berílgen tapsyrmaǵa sáıkes, barlyq nysan zamanauı gaz tazartu qūrylǵylarymen jabdyqtaluǵa tıís. Al shań túzílu qaupí joǵary kásíporyndarda shańdy basu tehnologıyalaryn engízu míndetteledí.
Sonymen qatar tūraqty negízde zerthanalyq ólsheuler júrgízílíp, olardyń nátıjelerí uákílettí organdarǵa ūsynyluy, sondaı-aq ekologıyalyq ís-sharalar boıynsha jyl saıyn esep beríluí qamtamasyz etíluge tıís.
Jekelegen baǵyt retínde ekologıyalyq taza otyn túrleríne kóshu máselesí qarastyryluda. Gazdandyrylǵan audandarda tıístí tazartu júıelerínsíz qatty otyndy paıdalanuǵa shekteu engízíledí. Al nysandardy kezeń-kezeńímen gazǵa nemese elektr energıyasyna kóshíru josparlanyp otyr.
Baqylau uákílettí memlekettík organdar tarapynan avtomattandyrylǵan monıtorıng júıelerí arqyly, sondaı-aq josparly jáne jospardan tys tekseruler sheńberínde júzege asyrylady.
Qala ákímí qaıtalanatyn zańbūzushylyqtar jaǵdaıynda aıyppūl salumen shektelu jetkílíksíz ekenín aıtty. Mūndaı jaǵdaıda nysandardyń qyzmetín uaqytsha toqtatuǵa deıíngí qatań sharalar qoldanyluǵa tıís.