Byltyr kolledj túlekterí jūmysqa ornalasu jaǵynan úzdík kórsetkíshke ıe boldy. 2025 jylǵy qabyldau kórsetkíshí būrynǵy rekordtardy jańartty. Bílím basqarmasy men Óńírlík kommunıkatsıyalar qyzmetí bírlesíp ūıymdastyrǵan baspasóz turynda osyndaı derek aıtyldy.
2024 jyly elímízdíń kolledjderí 23 429 bílíktí mamandy dayarlap shyǵardy. Olardyń 22 117-sí jūmysqa ornalasyp, belgílí bír qyzmetpen aınalysyp jatyr, būl jalpy túlekterdíń 94,4%-y degen sóz. Onyń íshínde 17 020 adam resmı túrde jūmysqa ornalassa, 5 097 túlek "jūmyspen qamtylǵandardyń" sanatyna kíríptí:
• 3 642 túlek joǵary oqu oryndarynda oqudy jalǵastyrǵan,
• 460 adam qosymsha bílíktílík alu úshín kolledjge qaıta túsken,
• 556 adam Qaruly Kúshter qataryna shaqyrylǵan,
• 296 túlek bala kútímí boıynsha demalysta.
2024 jyly kolledjderge 27 230 student qabyldandy. Onyń 17 000-y memlekettík bílím beru tapsyrysy boıynsha oqıdy:
• 6 960-y jūmysshy mamandyqtar,
• 10 040-y orta buyn mamandyqtary boıynsha bílím alyp jatyr.
Al bıyl kolledj túlekteríníń sany 26 000-nan astqan. 2025 jylǵy qabyldau nauqany tehnıkalyq jáne kásíptík bílím beru júıesíne degen qyzyǵushylyqtyń artyp kele jatqanyn taǵy da dáleldedí. Bírínshí kursqa 31 000-nan astam student qabyldandy, onyń íshínde:
• 17 491 student memlekettík tapsyrys boıynsha bílím alyp jatyr,
o 7 116 – jūmysshy mamandyqtar boıynsha,
o 10 375 – orta buyn mamandary boıynsha.
Osyndaı oń dınamıka Qazaqstan kolledjderíníń talapkerler men jūmys berushílerge tartymdy bola túskeníne dálel. Kolledjder jastarǵa naqty kásíbı jáne qyzmette ósu múmkíndígín ūsynyp, eńbek naryǵynyń sūranysyna saı mamandardy dayarlauda mańyzdy ról atqaryp otyr.