Almaty qalasy Qoǵamdyq densaulyq saqtau basqarmasynyń Qalalyq perınataldyq ortalyǵynda 36 jastaǵy kelínshek ekí egízden keıín úshem ómírge ákeldí, dep habarlaıdy Aqshamnews.kz tílshísí.
Fatıma, Zuhra, Aısha dúnıege qalaı keldí?
Úsh bírdeı qyz balanyń baqytty ata-anasy Elmıra Rysmanova men onyń jūbaıy Nūrmahan Álíbaev. Júktílík úshem kótergen kezde óte sırek kezdesetín tabıǵı jolmen, yaǵnı kómekshí reproduktıvtí tehnologıyalardyń kómegínsíz bolǵan.
Balalardyń anasy 31-shí aptasynda Qalalyq perınataldyq ortalyqqa tústí. Merzímínen būryn bosanu qaupíne jáne úshtík júktílíktíń erekshelíkteríne baılanysty oǵan shūǵyl kesar tílígí jasaldy.
Tájírıbelí dárígerlerdíń kúrdelí, alaıda sáttí jasalǵan operatsıyasynyń nátıjesínde úsh qyz dúnıege keldí:
• saǵat 14:07-de – salmaǵy 1711 gramm, boıy 43 sm qyz;
• saǵat 14:08-de – salmaǵy 1748 gramm, boıy 40 sm qyz;
• saǵat 14:09-da – salmaǵy 1493 gramm, boıy 40 sm qyz.
Olarǵa Fatıma, Zuhra jáne Aısha esímderí beríldí.
"Sábıler bírden jańa tuǵan nárestelerdíń reanımatsıya bólímíne ornalastyryldy. Olarǵa barlyq qajettí kómek kórsetílíp jatyr. Ómírleríníń alǵashqy mınuttarynan bastap qyzdar dárígerlerdíń qamqorlyǵy men jítí baqylauynda. Perınataldy ortalyq mamandarynyń kásíbılígíníń arqasynda náresteler quattanyp, densaulyqtary kúnsaıyn nyǵaıyp keledí" delíngen mekeme habarlamasynda.
10 balanyń anasynan aq tílek
Erekshe júktílíktíń barlyq qıyndyqtaryna qaramastan, 36 jastaǵy ana da qazír ózín jaqsy sezínude jáne dárígerlerge qoldau kórsetkenderí úshín alǵys aıtyp otyr.
"Būl meníń úshínshí egízderím. Bízdíń otbasymyzda 2019 jáne 2022 jyldary dúnıege kelgen 2 jūptan egízderímíz ósíp jatyr. Al endí, 2025 jyly, dúnıege úshem ákeldím! Allaǵa shúkír, endí bízde 10 balabar.Qalalyq perınataldyq ortalyqtyń akusher-gınekologtaryna, dárígerleríne jáne barlyq mamandaryna shyn júrekten alǵys aıtamyn. Dárígerlerdíń kásíbılígíníń jáne qamqorlyǵynyń arqasynda bárí sáttí óttí",- deıdí kópbalaly ana Elmıra Rysmanova.
Qalalyq perınataldyq ortalyqtyń basshylyǵy medıtsınalyq ūjymnyń joǵary kásíbılígín alǵa tartyp otyr. Sonyń arqasynda úshemníń bosanuyn sáttí ótkízíp, úsh balanyń ómírín saqtap qalu jáne ūqypty túrde emdeluín qamtamasyz etu múmkín bolǵan. Būl bıylǵy perınataldyq ortalyqta dúnıege kelgen alǵashqy úshem.