Almatyǵa Instagram jelísínde 2,8 mıllıonnan astam oqyrmany bar tanymal qytaılyq bloger Tao Tao (taotaoaima) keldí. Blogerdíń sapary 16-17 nauryz kúnderí Almaty Tourism Bureau qoldauymen ūıymdastyryldY, – dep habarlaıdy aqshamnews.kz tílshísí.
Sapar ayasynda bloger shahardyń turıstík áleuetímen jáne onyń bíregeı mádenıetímen tanysty. Megapolıstíń kóríktí jerlerín aralaǵan bloger Qazaq Riders etnokesheníne, sondaı-aq qalanyń gastronomıyalyq ártúrlílígín kórsetetín Yurta jáne Pekin Duck meıramhanalaryna bardy.
Qazaq Riders aumaǵynda blogerdíń qazaqtyń ūlttyq kıímín kıíp, at mádenıetíníń elementterímen tanysqan sátterí beınetaspaǵa túsíríldí. Etnomádenı baǵdarlama ayasynda dástúrlí ís-sharalar ūıymdastyrylyp, ol atqa míníp kórdí.
Sapar barysynda Tao Tao áleumettík jelílerde belsendí túrde kontent jarıyalap, Almatynyń atmosferasyn, tabıǵı landshafttaryn jáne mádenı ártúrlílígín kórsettí. Jylqy, etnomádenıet jáne lifestyle taqyryptaryna mamandanǵan blogerdíń jazbalary ádette mıllıondaǵan qaralym jınap, audıtorıyanyń joǵary qyzyǵushylyǵyn tudyrady.
Almaty Qytaıdan keletín turıster úshín eń tartymdy baǵyttardyń bírí retínde pozıtsıyasyn nyǵaıtyp keledí. Mıllıondaǵan audıtorıyasy bar blogerdíń sapary qalaǵa degen qyzyǵushylyqty arttyryp, ony Qytaı naryǵynda ílgeríletuge yqpal etedí. 2025 jyly 9 aıdyń qorytyndysy boıynsha Almatyǵa QHR-dan 102,1 myń turıst kelgen. Būl ótken jyldyń osy kezeńímen salystyrǵanda 39,2%-ǵa kóp.