Óńírlík kommunıkatsıyalar qyzmetínde ótken brıfıng barysynda «Almaty qalasynyń Otbasyn qoldau ortalyǵy» KMM-níń qala tūrǵyndaryna daǵdarysty eńseríp, otbasyn saqtauǵa qalaı kómektesíp jatqanyna mysal keltírdí. Ortalyqtyń dırektory míndetín atqarushy Aqmoljan Zarıpovtyń aıtuynsha, olar kómek kórsetíp qana qoımaı, otbasylyq baılanysty da qalpyna keltíríp, azamattardyń ómír súru sapasyn arttyruǵa da atsalysady, – dep habarlaıdy aqshamnews.kz tílshísí.
«Bízdíń maqsatymyz – otbasyna daǵdarystan shyǵuǵa kómektesíp, ony áleumettík qūndylyq retínde saqtau», – deıdí ol.
Kórnektí mysaldyń bírí – jańa tuǵan náresteden bas tartqan jas anamen júrgízílgen jūmys. Psıhologıyalyq qoldau men súıemeldeudíń nátıjesínde áıel raıynan qaıtyp, balasyn qaıtaryp alyp, ony óz betínshe tárbıeleuge kírístí. Sonymen qatar, Ortalyq áleumettík jáne medıtsınalyq máselelerdí sheshuge de járdemdesedí. Máselen, Almaty qalasynyń bír tūrǵynyna kóru qabíletí boıynsha múgedektík rásímdeuge kómektesíp, sonyń arqasynda ol tıístí memlekettík tólemder men em aluǵa múmkíndík alǵan.
Al basqa jaǵdaıda kópbalaly otbasyǵa balanyń múgedektík tobyn kúsheıtuge járdem berílíp, būl memlekettík qoldauǵa qoljetímdílíktí keńeıttí. Jūmyspen qamtu baǵyty da mańyzdy oryn alady. Ortalyqtyń kómegímen kópbalaly ana kútushí-tárbıeshí bolyp jūmysqa ornalasty. Áleumettík qolaısyzdyqtyń aldyn alu – negízgí baǵyttyń bírí. Ortalyq polıtsıya, bílím beru men medıtsınalyq ūıymdarmen bírlesíp, aqparattyq nauqandar men oqytu ís-sharalaryn da ótkízedí.
«Keńes beruden bastap súıemeldeuge deıíngí keshendí tásíl nátıjedlí ekenín kóríp otyrmyz. Adamdar qazír júıege sením artyp, kómekke júgíníp jatyr», – deıdí spıker.