Joba ayasynda jańa gaz stantsıyasy salynyp jatyr, dep habarlaıdy aqshamnews.kz tílshísí.
Almaty ákímí Darhan Satybaldy 2-shí jylu elektr ortalyǵyna baryp, gazǵa kóshíru jobasynyń júzege asyrylu barysymen tanysty.
"Joba ayasynda jańa gaz stantsıyasy salynyp jatyr. Nysannyń daıyndyq deńgeıí qazír 94%-dy qūraıdy. Jabdyqtardyń 99%-y jetkízílgen. Úsh gaz turbınalyq qondyrǵy men tórt su jylytu qazandyǵy ornatylǵan. Qazír kádege jaratu qazandyqtaryn montajdau jūmystary júrgízílude", – dep jazdy qala ákímí áleumettík jelídegí paraqshasynda.
Shahar basshysynyń aıtuynsha, 2-JEO kómírden gazǵa kóshkennen keıín zıyandy shyǵaryndylar kólemí 90%-dan astamǵa, yaǵnı jylyna 37 myń tonnadan shamamen 2,7 myń tonnaǵa deıín tómendeıdí dep josparlanyp otyr.
"Almaty úshín būl jobanyń mańyzy zor. Būl atmosferaǵa túsetín júktemení azaıtyp, qaladaǵy aua sapasyn jaqsartuǵa múmkíndík beredí. Sonymen qatar kómír jaǵudan paıda bolatyn kúl-qoj qaldyqtarynyń túzíluí men jınaluy toqtaıdy. Íske qosu-baptau jūmystary jaqyn arada bastalyp, olardy jylytu mausymyna deıín ayaqtau josparlanǵan", – dedí Darhan Satybaldy.