Almatyda 2026 jyly úsh shaǵynaudanda 68 shaqyrymnan astam joldyń qūrylysy men qaıta jańǵyrtu jūmystaryn ayaqtau, sondaı-aq qalanyń bírqatar mańyzdy magıstraldaryn ūzartu josparlanyp otyr, - dep habarlaıdy aqshamnews.kz tílshísí.
"2026 jyly kelesí nysandardy ayaqtau josparlanǵan: úsh shaǵynaudanda jalpy ūzyndyǵy 68,5 shaqyrym jańa jol salu. Atap aıtqanda, Aqjar shaǵynaudanynda – 25,3 shaqyrym (jūmystar 34 paıyzǵa oryndalǵan), Boraldaıda – 10,8 shaqyrym (50 paıyz), Rahat-Mádenıette – 32,4 shaqyrym (35 paıyz)", – dep habarlady basqarma.
Sondaı-aq, jol-qūrylys jūmystary ınjenerlík kommunıkatsıyalar tartylǵan uchaskelerde júrgízílíp jatqany atap ótíldí. Barlyq jūmysty 2026 jylǵy qarashanyń ayaǵyna deıín ayaqtau kózdelgen.
Būdan bólek, 2026 jyly bírqatar mańyzdy qalalyq magıstraldardy ūzartu josparlanyp otyr.
"Úsh kóshení ūzartu jūmystary ayaqtalady dep kútíledí: Saıyn kóshesí – 3,2 shaqyrym (70 paıyz), Abaı dańǵylyn qala shekarasyna deıín ūzartu – 0,6 shaqyrym (qozǵalys ashylǵan, 95 paıyz), Rysqūlov kóshesí – 2,3 shaqyrym (15 paıyz). Sondaı-aq bír íshkí magıstral – Tóle bı kóshesí boıynsha 4,5 shaqyrym jol (45 paıyz)", – delíngen basqarma habarlamasynda.
Basqarma ókílderí qūrylys-montaj jūmystary jer telímderín satyp alu rásímderí ayaqtalǵan saıyn kezeń-kezeńímen júrgízílíp jatqanyn atap óttí.