Úlken Almaty ózeníníń arnasyna ınteraktıvtí art-nysan ornatyldy, – dep habarlaıdy aqshamnews.kz tílshísí.
Almatyda Saıran kólíne qūyatyn Úlken Almaty ózeníníń arnasyna art-nysan ornatyldy. Oǵan DASM Group jarnama holdıngíníń qūramyna kíretín «Progression CA» JShS jarnama agenttígí mūryndyq bolǵan.
Igí íske byudjet qarjysy jūmsalǵan joq, jobaǵa bastamashy agenttík qarajat bólgen. Art-nysan Qoǵamdyq keńístíkterdí damytu basqarmasymen kelísílgen. Endí nauryz aıynyń sońynda resmı túrde ashylmaq.
Músínníń ıdeyasy halyqaralyq deńgeıde keńínen talqylanǵan Almatydaǵy Saıran kólí mańynda bolǵan ıttí qūtqaru oqıǵasyna negízdelgen. Būl qoǵamǵa qarapaıym, bíraq mańyzdy qūndylyqtardy taǵy bír márte eske saldy.
Art-nysannyń tūjyrymdamasy ózara kómek, yntymaq pen bírlík ıdeyasyn dárípteıdí. Kompozıtsıya bír-bírímen baılanysqan adamdar beınesí arqyly qıyn sátte qoldau kórsetu men bírlesken árekettíń mańyzyn kórsetedí. Jobanyń ózegínde qoǵamda keńínen qoldau tapqan adamgershílík qaǵıdalary jatyr.
Zamanauı ınteraktıvtí formatta jasalǵan art-nysan qala tūrǵyndary men qonaqtary jınalatyn jańa orynǵa aınalmaq. Nysan ortaq ıgílík jolyndaǵy bírlík pen yntymaqtastyqtyń mánín tereńírek ūǵynuǵa jeteleıdí.
Jobanyń basty maqsaty — qoǵamdyq keńístíkterdí damytu jáne bírlík, ózara kómek pen yntymaqtastyq qūndylyqtaryn qalalyq ortada keńínen nasıhattau.