Qańtardyń 18-ínen 19-yna qaraǵan túní Kreshchenıe merekesín atap ótu kezínde Almaty qalasyndaǵy adam kóp jınalatyn oryndar men shomyluǵa arnalǵan resmı rūqsat etílgen aumaqtarda medıtsına qyzmetkerlerí kúsheıtílgen rejımde jūmys ísteıdí. Būl turaly Óńírlík kommunıkatsıyalar qyzmetínde ótken baspasóz konferentsıyasynda Almaty qalasynyń Jedel medıtsınalyq járdem qyzmetí dırektorynyń orynbasary Pavel Burda málímdedí, dep habarlaıdy aqshamnews.kz
Onyń aıtuynsha, shomyluǵa arnalǵan barlyq resmı oryndarda jedel medıtsınalyq járdem brıgadalary táulík boıy kezekshílík etedí. Medıtsınalyq toptar bílíktí mamandarmen tolyqtyrylǵan, olar suyqtan tońyp qalǵan, ózín jaısyz sezíngen nemese jedel kómekke mūqtaj azamattarǵa der kezínde kómek kórsetuge tolyq daıyn.
Brıgadalardy ornalastyru, jetu baǵyttary men ózara baılanys tártíbí Tótenshe jaǵdaılar departamentí bólímshelerímen jáne jergílíktí atqarushy organdarmen bírlesíp aldyn ala pysyqtalǵan. Qajet bolǵan jaǵdaıda kezekshí brıgadalar kúsheıtílíp, jaǵdaıǵa qaraı adam kúshí men tehnıkany qaıta bólu de qarastyrylǵan.
«Jedel medıtsınalyq járdem qyzmetí qala tūrǵyndary men qonaqtaryn dínı rásímge jauapkershílíkpen qarap, qauípsízdík talaptaryn saqtauǵa jáne dárígerlerdíń keńesíne qūlaq asuǵa shaqyrady. Suyq suǵa túser aldynda densaulyq jaǵdaıyn eskergen jón. Júrek-qantamyr, tynys alu jáne endokrındík júıe aurulary bar, suyq tıgen nemese sozylmaly dertí asqynǵan adamdarǵa shomyludan bas tartu ūsynylady. Sondaı-aq mas kúıde suǵa túsuge qatań tyıym salynady», – dedí Pavel Burda.
Medıtsına qyzmetkerlerí suyq suda ūzaq uaqyt bolmau kerektígín eskertedí. Sudan shyqqannan keıín bírden jylynyp, qūrǵaq árí jyly kıím men ayaq kıím kıíp, qaıtadan suyqqa shyǵuǵa bolmaıdy.
«Eger adam ózín jaısyz sezíníp, basy aınalyp, entígíp, qatty qaltyrap nemese ózge de qolaısyz jaǵdaı tuyndasa, dereu kezekshí jedel járdem brıgadasyna nemese Tótenshe jaǵdaılar departamentíníń qyzmetkerleríne júgínu qajet», – dep atap óttí ol.
Almaty qalasynyń Jedel medıtsınalyq járdem qyzmetí merekelík ís-sharalar kezeńínde joǵary daıyndyq rejımínde jūmys ístep, barlyq shūǵyl shaqyrtularǵa úzdíksíz árí jedel áreket etuge tolyq daıyn.