2025 jyly 10 aıda qalanyń komúnıtı ortalyqtarynda 2 myńnan astam is-shara ótkizilip, olar 535 myń jasóspirim men jas azamatty qamtydy. Bul týraly Almaty qalasynyń jastar saıasaty basqarmasy habarlady.
Búginde ákimdiktiń jobalyq keńsesiniń qoldaýymen qalanyń 11 komúnıtı-ortalyǵy jumys isteıdi. Bul ortalyqtarda jastarǵa psıhologıalyq jáne zańgerlik kómek, jumysqa ornalasý, kásibı baǵdar jáne kásipkerlik boıynsha keńes berý qyzmetteri tegin kórsetiledi. Sondaı-aq, olar bastamasy men jobasyn damytý úshin kovorkıng-aımaqtaryn paıdalana alady.
Osy kezeń ishinde 16 myńnan astam jas, atap aıtsaq, shamamen 10 myńy jumysqa ornalasý máselesi boıynsha, 6 myńy psıhologıalyq jáne quqyqtyq qoldaý baǵytynda keńes alǵan. Jyl sońyna deıin taǵy bes komúnıtı ortalyqty iske qosý josparlanǵan.
Buǵan qosa, qala boıynsha 100 demalys ortalyǵy jumys isteıdi, onda jastar shyǵarmashylyq jáne sporttyq úıirmege, sheberhana men seksıaǵa qatysa alady. Jyl basynan beri josparlanǵan 20 nysannyń 14-inde jańǵyrtý jumystary aıaqtaldy. Qalǵan ortalyqtardy jańartý jyl sońyna deıin tolyq aıaqtalmaq.