Qazaqstan Respublıkasyndaǵy Adam qūqyqtary jóníndegí uákíl Artur Lastaev Almaty qalasynda ornalasqan kámeletke tolmaǵandardy ūstauǵa arnalǵan ortasha qauípsízdíktegí №11 mekemesíne jūmys saparymen keldí.
Sapar barysynda uákíl sottalǵandardyń jaǵdaıymen tanysty. Olardyń tamaqtanu sapasyn tekserdí. Medıtsınalyq qyzmet kórsetu deńgeıín baǵalady.
“Adam qūqyqtary jóníndegí uákíl Artur Lastaev myrza kámeletke tolmaǵan tárbıelenushílermen jeke sūhbat júrgízdí. Olardyń bolashaqtaǵy arman-maqsatyn sūrap, oı-píkírín bólístí. Mekeme kítaphanasyna dep ala kelgen kítaptaryn tabystady. Jalpy, sapardyń maqsaty – jazasyn ótep jatqan jasóspírímder qūqyǵynyń saqtaluyn baqylau”, - deıdí N11 mekemeníń áleumettík-psıhologıyalyq tárbıe jūmysy bólímíníń qyzmetkerí Erkegúl Jeńíshan.
Sol kúní kolonıyanyń sport alańynda Adam qūqyqtary jóníndegí uákíldíń kubogy úshín shaǵyn futboldan alǵashqy turnır óttí. Turnırge 3 komanda - mekeme qyzmetkerleríníń qūramasy jáne “Ruzaevka” men “ARD” jasóspírímder kluby qatysty.
Mūndaı ís-sharalardyń mańyzy zor. Būl tek sporttyq qana emes, qatysushylardy bíríktíretín, komanda bolyp áreket etudíń nátıjesín nasıhattaıtyn jáne jastardyń ózíníń qabílet-qarymyn kórsetuge múmkíndík beretín jarys.
Jarys nátıjesínde “Ruzaevka” jeńíske jetíp, ombudsmen kubogín ıelendí. “Eń úzdík qaqpashy”, “Eń úzdík qorǵaushy”, “Eń úzdík shabuylshy” jáne “Belsendí jankúıer” nomınatsıyalary boıynsha da marapattalǵan balalardyń bír serpílíp qalǵany anyq.
Jalpy, turnır jastardy qoldau men olardyń áleumettík beıímdeluíne baǵyttalǵan mańyzdy ís-shara boldy.
Nūrjamal ÁLÍSh