Sıngapurda Almaty balalar ǵylymı muzeıíníń (ACSM) ókílderí men sheteldík seríktester — Science Centre Singapore jáne Kingsmen Creatives Ltd kompanıyalarynyń qatysuymen kezdesu óttí, – dep habarlaıdy aqshamnews.kz tílshísí.
Taraptar muzeıdí ashuǵa daıyndyqtyń negízgí kezeńderín talqylady.
Joba Ortalyq Azıyadaǵy halyqaralyq deńgeıdegí alǵashqy balalar ǵylymı ortalyǵy bolmaq. Muzeı bıyl mausym aıynda kelushílerge esígín aıqara ashady. Kezdesu barysynda bílím beru mazmūnyn ázírleu men muzeı qyzmetkerlerín dayarlau jūmystaryna erekshe nazar audaryldy.
ACSM jobasyn íske asyru jetekshísí Maıra Tūrǵanova jobanyń qazírgí jaı-kúıín tanystyrdy.
«Science Centre Singapore-men seríktestík ayasynda Almaty balalar ǵylymı muzeıíne bílím beru baǵdarlamalary boıynsha franshıza jáne ózge de zıyatkerlík qūqyq beríldí. Árbír ekspozıtsıya sıngapurlyq seríktestermen bírlesíp ázírleníp, ūlttyq erekshelíkke beıímdeldí. Olar Aral teńízínen bastap kıíz úı qūrylymynyń ǵylymı túsíndírmelerdí qamtıdy. Búgínde Science Hub ACSM galereyalary men zerthanalary úshín 130-dan astam bílím beru baǵdarlamasy ázírlendí», — dedí Maıra Tūrǵanova.
Science Centre Singapore — 49 jyldyq tarıhy bar, jyl saıyn 1 mıllıonnan astam adam keletín álemdegí jetekshí ǵylymı-bílím beru ortalyqtarynyń bírí. Ortalyq KidsSTOP balalar ǵylymı keńístígíníń operatory sanalady, dál osy model ACSM jobasyn ázírleuge negíz bolǵan.
«Almatyda Science Centre Singapore brendín tanystyru bíz úshín mańyzdy qadam. Būl ǵylymı sauattylyqty jahandyq deńgeıde damytuǵa degen ūstanymymyzdyń kórínísí. Tájírıbemíz ben bílím beru ádísterímízdí bólíse otyryp, Qazaqstandaǵy jas buynǵa oıyn arqyly oquǵa negízdelgen ortada bílím alu múmkíndígín ūsynǵymyz keledí», — dedí Singapore Science Centre Global bas dırektory Endryu Tan.
Al Kingsmen Creatives Ltd kompanıyasynyń ókílí Entonı Chong joba ayasynda Qazaqstannyń mádenı erekshelíkterín barynsha kórsetuge mán berílgenín jetkízdí.
«Būl ımmersıvtí, ınteraktıvtí árí bílím beretín keńístík bolady. Ol bízdíń kompanıya úshín de, Qazaqstan úshín de halyqaralyq jobalardy tıímdí basqarudyń úlgísíne aınalady dep senemín», — dedí ol.