Almatyda avtokólík shyǵaryndylaryna júrgízílgen monıtorıng ayasynda №3 kommunaldyq avtobus parkí tekseríldí, – dep habarlaıdy aqshamnews.kz tílshísí.
Būl turaly «Eco Almaty» JShS ókílderí aıtty.
Kásíporyn mamandarynyń málímetínshe, avtoparkte 289 avtobus tírkelgen, onyń 40-y jóndeude tūr. Tekseru barysynda mamandar 249 kólíktí tekserdí.
Sonyń nátıjesínde 50 avtobusta paıdalanylǵan gazdardy tazartuǵa arnalǵan negízgí qūrylǵy – katalızatordyń joq ekení belgílí boldy.
Monıtorıng atmosferalyq auany qorǵau talaptaryn júzege asyru maqsatynda ótkízílíp otyr. Onyń basty míndetí – qaladaǵy negízgí lastaushy kózderdíń bírí sanalatyn avtokólík shyǵaryndylaryn azaıtu.
Ekologıyalyq talaptardyń saqtaluyn baqylau tūraqty negízde júrgízíletínín atap ótken jón. Máselen, Ekologıya departamentí bírqatar avtokólík kásípornyna qatysty jospardan tys tekseru ótkízdí. «NEO City TRANS» JShS men «TALAP T» JShS avtobus parkterínde júrgízílgen ólsheu nátıjelerí keıbír kólíkterde zıyandy shyǵaryndylardyń belgílengen normadan asyp ketkenín kórsettí.
Anyqtalǵan zańbūzushylyqtarǵa baılanysty QR ÁQBtK-níń 333 jáne 334-baptary boıynsha ákímshílík hattamalar rásímdelíp, jalpy somasy 13,3 mln teńge aıyppūl salyndy. Sonymen qatar kásíporyndarǵa kemshílíkterdí joyu jónínde tıístí nūsqamalar beríldí.
Būl baǵyttaǵy jūmys jalǵasady.