Almatyda 21 nauryz kúní Astana alańynda Nauryz meıramyna arnalǵan auqymdy merekelík ís-sharalar ótedí. Būl turaly qalalyq Mádenıet basqarmasynyń ókílderí habarlady, – dep habarlaıdy aqshamnews.kz tílshísí.
Ūıymdastyrushylardyń aıtuynsha, saǵat 11:00-den 22:00-ge deıín qalanyń ortalyq alańy ūlttyq dástúrler men zamanauı mádenı formattardy ūshtastyratyn merekeníń basty alańyna aınalady.
Baǵdarlamada qazaqstandyq artısterdíń qatysuymen kontsertter, teatrlandyrylǵan qoıylymdar, tsıfrlyq turlar men robottar ūsynylatyn ınteraktıvtí aımaqtar, sondaı-aq taqyryptyq kórmeler josparlanǵan.
Sahnada «Dos-Mūqasan», «MuzART», «Ūlytau», «Alashūly» toptary, sondaı-aq Nūrjan Kermenbaev, Saltanat Baqaeva, Talǵat Kúzembaev, Aıgúl Elshíbaeva, Ernar Aıdar, Maqpal Isabekova, Móldír Áuelbekova jáne Áset Esjan syndy tanymal ánshíler óner kórsetedí. Merekelík ís-sharanyń arnaıy qonaǵy – Ázírbaıjannan kelgen ánshí Roza Zergerlı.