№50 mektep ǵımaratynda kúrdelí jóndeu jáne tolyq seısmıkalyq kúsheıtu jūmystary ayaqtaldy. Bílím beru ūıymy qauípsízdík pen jaılylyqtyń zamanauı talaptaryna tolyq saı keldí. Qazírgí tańda mektep oqushylardy qabyldap jatyr. Būl turaly Almaty qalasynyń Bílím basqarmasynyń ókílderí aıtty. Mektep ǵımaraty 1970 jyly salynǵan, al sońǵy ret seısmıkalyq kúsheıtu jūmystary 1996 jyly júrgízílgen. Jóndeu barysynda negízgí qūrylymdar kúsheıtílíp, íshkí bólmeler men ınjenerlík júıeler tolyq jańartyldy.
«Bízdíń mektep úshín būl tek jóndeu jūmystarynyń ayaqtaluy ǵana emes, jańa kezeńníń bastaluyn bíldíredí. 1970 jyly salynǵan ǵımarat búgínde qauípsízdíktíń eń qatań talaptaryna jáne zamanauı bílím beru sūranystaryna tolyq saı keledí. Bíz seısmıkalyq kúsheıtu arqyly balalardyń qauípsízdígín qamtamasyz etíp qana qoımaı, olardyń qyzyǵushylyqpen oqyp, jan-jaqty damuyna qolaıly orta qalyptastyrudy maqsat ettík. Jańartylǵan synyptar, jańa oıyn jáne sport alańdary — būl oqushylarymyzdyń bolashaǵyna salynǵan ınvestıtsıya», — dedí №50 jalpy bílím beretín mekteptíń dırektory Aıdana Hasenova.
Íshkí jūmystarmen qatar mektep aumaǵynda keshendí kóríktendíru júrgízíldí. Oqu synyptary jabdyqtalyp, qoldanystaǵy kabınetter qaıta jańǵyrtyldy jáne qosymsha kabınetter ashyldy. Sonymen bírge ekí balalar oıyn alańy salyndy, futbol jáne basketbol alańdary jabdyqtaldy, aumaq asfalttalyp, syrtqy jaryqtandyrudyń jańa tírekterí ornatyldy jáne kógaldandyru jūmystary júrgízíldí.
«Jóndeuden keıín mekteptíń qaıta ashyluyn asyǵa kúttík. Barlyǵy oılaǵanymyzdaı boldy: synyptar jaryq árí zamanauı, al mektep aumaǵynda sportpen shūǵyldanuǵa arnalǵan tamasha alańdar paıda boldy. Eń bastysy, seısmıkalyq kúsheıtu jūmystarynyń arqasynda balalarymyzdyń qauípsízdígíne degen senímímíz artty», — dedí mekteptíń ata-analar komıtetíníń ókílí.