Almatynyń byudjetí naqtylanǵan kezde qarajattyń edáuír bólígí áleumettík ınfraqūrylymdy damytuǵa baǵyttalady, dep habarlaıdy aqshamnews.kz tílshísí.
Būl turaly máslıhat otyrysynda Almaty qalasy Ekonomıka jáne qarjy basqarmasynyń basshysy Bauyrjan Qūdaıbergenov málímdedí.
Áuezov audanynda ekí mekteptíń qūrylysy jalǵasady. 11-shaǵynaudandaǵy 1 200 oryndyq mekteptí jyl sońyna deıín ayaqtap, paıdalanuǵa beru josparlanǵan. Sonymen qatar №158 mekteptíń qazírgí ǵımaratyn būzyp, onyń ornyna 900 oryndyq jańa mektep salu kózdelíp otyr. Aqsaı-2 shaǵynaudanyndaǵy №42 mekteptí qaıta jańǵyrtu jūmystary da jalǵasady.
Alatau audanyndaǵy Daraboz shaǵynaudanynda 900 oryndyq mektep ashu úshín ǵımarat satyp alu josparlanǵan. Al Almaly audanynda bıyl 240 oryndyq balabaqshanyń qūrylysy ayaqtalady.
Sondaı-aq, «Keleshek mektepterí» ūlttyq jobasy ayasynda bıyl paıdalanuǵa berílgen segíz jańa mekteptíń tolyqqandy jūmys ísteuíne qajettí qarajat qarastyrylǵan. Sonyń nátıjesínde qaladaǵy oqushy oryndarynyń tapshylyǵyn 11,7 myń orynǵa deıín azaıtu kózdelíp otyr.
Densaulyq saqtau salasynda Abaı dańǵyly, 69 mekenjaıynda ornalasqan oqu-klınıkalyq ortalyqtyń apatty jaǵdaıdaǵy ǵımaratyn balalardy ońaltu jóníndegí qalalyq ortalyqqa beıímdep qaıta jańǵyrtu jūmystary bastalady.
Shūǵyla shaǵynaudanynda bír auysymda 200 adam qabyldaıtyn dárígerlík ambulatorıyanyń qūrylysy jalǵasady. Nysandy jyl sońyna deıín paıdalanuǵa beru josparlanǵan.
Būdan bólek, sūranysqa ıe medıtsınalyq mamandyqtar boıynsha 120 rezıdent dayarlauǵa qarajat qarastyrylǵan.
Sport salasynda Túrksíb audanyndaǵy dene shynyqtyru-sauyqtyru kesheníníń qūrylysy jalǵasady.