Almatyda jastar arasynda esírtkíníń aldyn alu jáne salauatty ómír saltyn nasıhattauǵa baǵyttalǵan «Narkostop» jobasy júzege asyrylyp keledí, – dep habarlaıdy aqshamnews.kz tílshísí.
Būl turaly qalalyq Jastar sayasaty basqarmasynyń ókílderí aıtty.
Jyl basynan berí joba ayasynda 20 myńnan astam jas qatysqan 110-nan astam profılaktıkalyq ís-shara ūıymdastyryldy.
Joba barysynda ınternet keńístígínde esírtkíníń taraluyna qarsy kúreske erekshe kóńíl bólíníp otyr. Bírlesken jūmystardyń nátıjesínde 797 ınternet-resurs būǵattalyp, esírtkíní nasıhattaıtyn 18 myńnan astam graffıtı joıyldy.
Bıyl joba jańa baǵytpen tolyqtyrylyp, oǵan ońaltu jáne áleumettendíru jūmystary engízíldí. Qatysushylar úshín qysh ónerí men qoldanbaly shyǵarmashylyq boıynsha sheberdíń dárísí ūıymdastyrylyp, sondaı-aq anonımdí alkogolıkter men táueldí jandardyń jaqyndaryna qoldau kórsetetín qauymdastyqtardyń ókílderímen kezdesuler ótkízíldí. Jobanyń būl jańa baǵytymen qazírdíń ózínde 110-nan astam adam qamtyldy.
Joba esírtkí qylmysynyń aldyn aluǵa, jastar arasynda salauatty ómír saltyn qalyptastyruǵa jáne olardy qoǵamdyq mańyzy bar bastamalarǵa belsendí tartuǵa baǵyttalǵan.