9 mamyr — Jeńís kúníne oraı Almatyda būqaralyq velosheru ūıymdastyryldy. Sporttyq-patrıottyq ís-sharaǵa 200-den astam velosport áuesqoıy qatysty, – dep habarlaıdy aqshamnews.kz tílshísí.
Almaty qalasy Sport basqarmasy ókílderíníń málímetínshe, velosheru qalanyń ortalyq kóshelerí arqyly óttí. Qatysushylar saparyn «Nūrly Tau» bıznes ortalyǵynan bastap, ál-Farabı dańǵyly, Saın, Rysqūlov dańǵyldary, Shyǵys aınalma joly, Tóle bı, Qonaev jáne Gogol kóshelerímen júríp óttí. Velosheru 28 gvardıyashy-panfılovshylar atyndaǵy sayabaqta máresíne jettí. Jalpy marshrut ūzyndyǵy 40 shaqyrym boldy.
Ís-shara sońynda qatysushylar Ūly Otan soǵysy batyrlarynyń ruhyna taǵzym etíp, Máńgílík alauǵa gúl shoqtaryn qoıdy.
Mūndaı bastamalar salauatty ómír saltyn nasıhattauǵa, būqaralyq sportty damytuǵa jáne ardagerlerdíń erlígín ūlyqtauǵa yqpal etedí.