Almatyda «Jasyl el» jastar eńbek jasaǵynyń jańa mausymy bastaldy, – dep habarlaıdy aqshamnews.kz tílshísí.
Almatyda «Jasyl el» jastar eńbek jasaqtarynyń jańa mausymy saltanatty túrde ashyldy. Bıyl joba ayasynda 2100 jas pen jasóspírímdí jūmyspen qamtu josparlanyp otyr.
Ashylu rásímíne Almaty qalasy Jastar sayasaty basqarmasynyń ókílderí, jastar ūıymdary, eńbek jasaqtarynyń múshelerí, eríktíler jáne qala jastary qatysty.
Almaty qalasy Jastar sayasaty basqarmasynyń basshysy Azız Kajdenbek Memleket basshysy Qasym-Jomart Kemelūly Toqaevtyń jastardy qoldau, ekologıyalyq jauapkershílíktí arttyru jáne qoǵamda tazalyq mádenıetín qalyptastyruǵa erekshe mán beríp otyrǵanyn jetkízdí.
«Prezıdenttíń bastamasymen júzege asyrylyp jatqan jalpyūlttyq «Taza Qazaqstan» aktsıyasy azamattardyń ekologıyalyq sanasyn jańǵyrtuǵa baǵyttalǵan mańyzdy joba. Būl bastama tek tazalyq máselesímen shektelmeıdí. Ol qorshaǵan ortaǵa jauapkershílíkpen qarau mádenıetín, eńbekke qūrmettí, tuǵan jerge súıíspenshílíktí jáne qoǵamǵa paıda keltíruge degen ūmtylysty qalyptastyrady.
Osyǵan baılanysty Almaty qalasynyń ákímdígí jastardy jan-jaqty qoldauǵa erekshe nazar audaryp keledí. Basty maqsatymyz – jastarǵa múmkíndík jasau, olardy eńbekke, qoǵamdyq ómírge tartu jáne áleumettík jauapkershílík sezímín qalyptastyru.
«Jasyl el» jobasy osy maqsattarǵa qol jetkízudegí eń tıímdí bastamalardyń bírí. Ol jastarǵa alǵashqy eńbek tájírıbesín jınaqtauǵa, tuǵan qalasyn kórkeıtuge jáne ekologıyalyq mádenıettí damytuǵa úles qosuǵa múmkíndík beredí», – dedí Azız Kajdenbek.
Búgínde Almaty elímízdegí jastar sany eń kóp qala sanalady. Mūnda 769 myńnan astam jas tūrady. Onyń íshínde 472,8 myńy – jūmys ísteıtín jastar, 307,8 myńnan astamy – joǵary oqu oryndary men kolledjderdíń studentterí, al shamamen 80 myńy – joǵary synyp oqushylary.
2005 jyldan berí júzege asyrylyp kele jatqan «Jasyl el» jobasy jastardy eńbekke bauluǵa, ekologıyalyq sanany arttyruǵa jáne olardy qoǵamdyq paıdaly jūmystarǵa tartuǵa baǵyttalǵan.
Joba jetekshísí Erdáulet Júnísbektíń aıtuynsha, jazǵy mausymda eńbek jasaqtarynyń múshelerí qalany kógaldandyru, qoǵamdyq keńístíkterdí kórkeıtu, aumaqtardy sanıtarlyq tazalaumen aınalysyp, ekologıyalyq aktsıyalarǵa qatysady.
«Kóptegen jas úshín «Jasyl el» alǵashqy eńbek mektebíne aınalady. Mūnda olar tájírıbe jınap qana qoımaı, jauapkershílíkke, tártípke jáne belsendí azamattyq ūstanymǵa úırenedí», – dedí Erdáulet Júnísbek.
Aıta ketu kerek, 2025 jyly Almaty «Jasyl el» jobasyn júzege asyru boıynsha elímízdegí úzdík óńír dep tanyldy. Ótken mausymda joba ayasynda 2100 jas jūmyspen qamtyldy. Sonymen qatar alǵash ret kolledj studentterí men NEET sanatyndaǵy jastar keńínen tartyldy.
Jańa eńbek mausymy 30 qyrkúıekke deıín jalǵasady. Jobaǵa 14 pen 35 jas aralyǵyndaǵy mektep oqushylary, studentter jáne jūmyssyz jastar qatysa alady. Barlyq qatysushy arnaıy «Jasyl el» formasymen qamtamasyz etíledí.
Ūıymdastyrushylar bıyl joba ayasynda qatysushylar ayasyn keńeıtíp, ekologıyalyq jáne qoǵamdyq bastamalardyń sanyn arttyrudy josparlap otyr.