Almatyda jańa jazǵy ashyq aspan astyndaǵy festıval bastalady, – dep habarlaıdy aqshamnews.kz tílshísí.
Bıyl jazda «Alatau» dástúrlí óner teatry muzyka, gastronomıya jáne kreatıvtí ındustrıyany bíríktíretín jańa festıvaldík joba – ALMATY SUMMER FEST ótetín alańǵa aınalady. Būl turaly Almaty qalasy Mádenıet basqarmasynyń ókílderí aıtty.
Jaz boıy mūnda tanymal ónerpazdar men shyǵarmashylyq ūjymdar qatysatyn Open Air formatyndaǵy kontsert ūıymdastyrylady. Joba qala tūrǵyndary men qonaqtarynyń mádenı demalysyna arnalǵan jańa alań boludy maqsat etedí.
Festıval 6 mausym saǵat 18:00-de saltanatty túrde ashylady. Būl keshte Qaırat Nūrtas, Luına, Aıdana Medenova, ALFA toby, Ūlanǵasyr Qamı, Aman Ahmet, Arsenaleen, IGIGAI, Akbotiz, DJ Akhmetoff, sondaı-aq «Alatau» dástúrlí óner teatrynyń artısterí óner kórsetedí.
Kontsertpen qatar, qonaqtar úshín ınteraktıvtí aımaq, oıyn-sauyq alańy jáne barlyq jastaǵy kelushíge arnalǵan túrlí ís-shara ūıymdastyrylady.
Almaty qalasy Mádenıet basqarmasy ókílderíníń málímetínshe, festıval qalanyń mádenı ómírín damytuǵa, shyǵarmashylyq bastamalardy qoldauǵa jáne jaz mezgílínde otbasylyq demalysqa qosymsha múmkíndík jasauǵa baǵyttalǵan.