Festıval bír aptaǵa jalǵasady
Atalmysh ís-sharaǵa respublıkalyq bílím beru salasynyń basshylary men mektep mūǵalímderí jáne joǵary oqu oryndarynyń oqytushylary qatysty. Jıynnyń maqsaty – qazaqstandyq mūǵalímderdíń píkírtalas alańdaryn qūru jáne bílím berudíń barlyq deńgeılerínde sabaqtastyqty qamtamasyz etu.
«Pedagogıkaǵa Memleket basshysy úlken nazar audaryp jatyr. Sonymen qatar úzdíksíz bílím beru kontseptsıyasyn júzege asyru. Ol bízdíń basty maqsattarymyzdyń bírí. Osy tūrǵyda bírneshe oqu ornymen kásíbı bílíktí arttyru boıynsha memorandumǵa qol qoıdyq», – dedí Qazaq ūlttyq qyzdar pedagogıkalyq unıversıtetíníń rektory Gúlmıra Qanaı.
Bír aptaǵa sozylatyn festıval ayasynda otandyq jetekshí ádísker mūǵalímder bolashaq pedagogterge ashyq sabaqtar men sheberlík synyptaryn ótkízbek.
«Búgíngí pedagogıkalyq ıdeyalar festıvalínde tyń ıdeyalar men ózektí máseleler aıtylady. Bíz qauymdastyq retínde respublıkalyq kólemde bírígíp jūmys ísteuge daıynbyz», – dedí respublıkalyq «Bílím ınvest» ınvestorlyq qauymdastyǵynyń vıtse-prezıdentí Kúlánda Batyrbekova.