Qazaqstan Respublıkasynyń ūlttyq valyutasy – Teńge kúníne oraı 13 qarasha kúní Almaty kópsalaly kolledjínde Almaty qalasy memlekettík kolledj studentterí arasynda «Teńge – táuelsízdík jáne tūraqtylyq belgísí!» taqyrybynda qalalyq suret baıqauy ótkízíldí.
Baıqaudyń basty maqsaty – studentterdíń shyǵarmashylyq qabíletterín anyqtau, ūlttyq qūndylyqtarǵa qūrmet sezímín arttyru jáne ūlttyq valyutamyz – teńgeníń mańyzdylyǵyn jastar sanasynda nyǵaıtu.
Qalalyq Almaty qalasy Bílím basqarmasynyń qoldauymen,
Qalalyq Bílím Berudegí Jańa Tehnologıyalardyń Ǵylymı-Ádístemelík ortalyǵy jáne Almaty kópsalaly kolledjí ūıymdastyrdy.
Baıqauǵa qalamyzdyń memlekettík kolledjderíníń 16–17 jastaǵy studentterí qatysyp, shyǵarmashylyq eńbekterínde elímízdíń ekonomıkalyq táuelsízdígí men ūlttyq rámíz retíndegí teńgeníń tūraqtylyǵyn kórkem beınelep kórsettí.
Studentterdíń jūmysyn ádíl qazylar alqasy joǵary baǵalap, erekshe kózge túsken qatysushylarǵa alǵys hattar men sertıfıkattar syılyqtar tabystady.
• Almaty qalasy Bílím basqarmasynan qalalyq bílím berudegí jańa tehnologıyalardyń ǵylymı-ádístemelík ortalyǵynyń ádískerí Jūmaǵūlova Gúlhan Álímhanqyzy
• Asylbek Álíbek – «Art Kids» óner mektebíníń kórkem suret jetekshísí;
• Belgojaev Akjol Nurtıleuovıch – Memlekettík quyrshaq teatrynyń qyzmetkerí.
Ís-shara jas suretshílerge óz qabíletterín shyńdauǵa, ūlttyq qūndylyqtardy ūlyqtauǵa jáne táuelsíz elímízdíń sımvolyna aınalǵan teńgeníń mánín tereń túsínuge zor múmkíndík berdí.