Almatynyń Qala qūrylysy baqylau basqarmasynyń mamandary Osıpenko kóshesínde ornalasqan írgetas ústíne salynǵan metall qūrylymnan salynǵan qosymsha qūrylystyń súrílgení turaly aıtty, - dep habarlaıdy aqshamnews.kz tílshísí.
Jospardan tys júrgízílgen tekseru barysynda nysan ıesíníń (jeke tūlǵa) kópqabatty tūrǵyn úıdíń bírínshí qabatyndaǵy ǵımaratqa óz betímen qosymsha qūrylys júrgízgení anyqtaldy.
Atalǵan tūlǵaǵa qatysty ákímshílík sharalar qabyldanyp, ís materıaldary Ákímshílík qūqyq būzushylyqtar jóníndegí mamandandyrylǵan audanaralyq sotqa joldandy. 2025 jyly 12 jeltoqsanda osy sottyń qaulysymen menshík ıesí kínálí dep tanylyp, zańsyz salynǵan qūrylysty májbúrlep būzu turaly sheshím shyǵaryldy.
Bírer kún būryn sot sheshímín oryndau maqsatynda nysan ıesí zańsyz qūrylysty óz kúshímen būzdy.