Almatyda «Studenttík sport lıgasynyń» respublıkalyq fınaly bastaldy, – dep habarlaıdy aqshamnews.kz tílshísí.
Almatyda «Studenttík sport lıgasynyń» respublıkalyq fınalynyń ashylu saltanaty óttí.
Írí sporttyq doda QR Ǵylym jáne joǵary bílím mınıstrlígíníń qoldauymen, Qazaqstannyń Ūlttyq studenttík sport odaǵymen bírlesíp ūıymdastyrylyp otyr.
Ís-sharaǵa QR Ǵylym jáne joǵary bílím mınıstrlígí Joǵary jáne joǵary oqu ornynan keıíngí bílím komıtetí tóraǵasynyń orynbasary Aqerke Abylaıhan, Ūlttyq studenttík sport odaǵynyń prezıdentí Qaırat Zakıryanov, Sıdneıde ótken jazǵy Olımpıada oıyndarynyń chempıony Ermahan Ybraıymov qatysty.
Aqerke Abylaıhan studentterge sáttílík tílep, mınıstrlík jastardyń jan-jaqty damuyna qoldau kórsetíp kele jatqanyn atap óttí.
«Qazaqstannyń joǵary oqu oryndarynda bílím alyp, bílímge, ǵylymǵa ūmtylyp júrgen jastarsyzdar. Sízderdíń tolyq tūlǵa, tolyq adam bolyp qalyptasularyńyzǵa mınıstrlík tarapynan barynsha qoldau kórsetílíp jatyr. Sonyń aıqyn kórínísí – búgín Qazaqstannyń túkpír-túkpírínen Almatyǵa sporttyq dodaǵa kelíp otyrǵandaryńyz. Jeńíske jetken jastardyń jeńísí qūtty bolsyn. Eń bastysy, qatysyp otyrǵan Qazaqstannyń 48 unıversıtetíníń jastaryna, sportqa degen qyzyǵushylyqtaryńyzǵa alǵys aıtamyz», – dedí ol.
Sıdneıde ótken jazǵy Olımpıada oıyndarynyń chempıony Ermahan Ybraıymov studenttík sporttyń bolashaǵy zor ekenín aıtty.
«Būl lıganyń bolashaǵy zor. Studenttík sport arqyly olımpıadalyq sportqa jol ashylady. Ózderíńíz bílesízder, olımpıada chempıondarynyń bárí – studentter. Sízderdíń maqsattaryńyzdy bílemín, sportty jaqsy kóresízder, tek alǵa» – dedí ol.
Fınaldyq kezeńde elímízdíń 50 joǵary oqu ornynan 2500-den astam student baq synaıdy. Qatysushylar sporttyń 7 túrí boıynsha myqtylardy anyqtaıdy. Atap aıtqanda, voleıbol, basketbol, futzal, ústel tennısí, toǵyzqūmalaq, shahmat jáne qazaq kúresínen jarystar ótedí.
Ūıymdastyrushylardyń aıtuynsha, lıganyń basty maqsaty – studenttík sportty damytu, jastar arasynda salauatty ómír saltyn nasıhattau, úzdík komandalar men sport klubtaryn anyqtau, sondaı-aq joǵary oqu oryndary arasyndaǵy dostyq baılanysty nyǵaıtu.
Jarystar Almatydaǵy joǵary oqu oryndary men sport ūıymdarynyń bazasynda ótedí. Oǵan elímízdíń jetekshí unıversıtetterí qatysady.