Almatyda 17 qarasha – jyl saıynǵy ótetín Halyqaralyq studentter kúníne oraılastyrylǵan Almaty Student's Week-2025 aptalyǵy bastaldy.
Bıylǵy ís-sharalar 11–17 qarasha aralyǵynda ótude jáne 40 myńnan astam studenttí bíríktíríp, jalpy qamtuy 100 myń adamnan asady dep kútílude. Studenttík aptalyqtyń qalaı ótíp jatqany turaly Almaty óńírlík kommunıkatsıyalar qyzmetíníń alańynda qala Jastar sayasaty basqarmasynyń basshysy Azız Kajdenbek aıtyp berdí, - dep habarlaıdy Aqshamnews.kz.
Spıkerdíń aıtuynsha, Almaty – ár úshínshí tūrǵyny jas bolyp sanalatyn qala, sondyqtan studenttík bastamalardy damytu megapolıstíń jūmysynyń negízgí baǵyttarynyń bírí bolyp tabylady.
«Almatyda 712 myńnan astam jas tūrady, būl megapolıs halqynyń edáuír bólígín qūraıdy. Osyǵan baılanysty jastar sayasatyn damytu jáne studenttík bastamalardy qoldau ákímdík jūmysynyń mańyzdy baǵyty retínde qarastyrylady. Atap aıtqanda, Almaty ákímí Darhan Satybaldy qalalyq jastar bastamalaryna únemí nazar audaryp, studentterdíń shyǵarmashylyq, azamattyq jáne kóshbasshylyq áleuetín damytatyn formattardy qoldaıdy», - dedí Azız Kajdenbek.
Spıkerdíń aıtuynsha, Student’s Week baǵdarlamasy jastardy damu baǵyttarynyń ártúrlí salalaryna – qūqyqtyq mádenıet pen qauípsízdíkten bastap ınnovatsıyalar, volonterlík, ekologıya, sport, shyǵarmashylyq jáne ıntellektualdyq qabíletterge deıín – keńínen tartuǵa baǵyttalǵan. Apta ayasynda jalpy 150-den astam ís-shara ótedí, olarǵa 40 myńnan astam student qatysady, al jalpy qamtu 100 myń adamnan asuy múmkín.
«Student’s Week aptalyǵy Prezıdent belgílegen negízgí ıdeologemalarǵa negízdelgen ís-sharalarmen qamtylǵan. Būl baǵyttar jastardyń qūqyqtyq mádenıetín, tsıfrlyq daǵdylaryn, ekologıyalyq jauapkershílígín jáne kreatıvtík áleuetín damytuǵa baǵyttalǵan. Mūndaı tásíl studentterdí formaldy túrde emes, shynaıy dıalog, praktıkalyq qyzmet jáne qalanyń qoǵamdyq ómíríne naqty qatysu arqyly tartuǵa múmkíndík beredí», - dedí Azız Kajdenbek.
Qalada zań jáne qūqyqtyq sana taqyrybyndaǵy TEDx-semınary, jasandy ıntellekt pen kreatıvtí ındustrıyalarǵa arnalǵan master-klastar, «Taza Student Campus» ekologıyalyq aktsıyasy, StudSport studenttík sporttyq jarystary, «Keshkí saz» shyǵarmashylyq akustıkalyq keshí jáne Jas IQ ıntellektualdyq oıyny óttí. Aptanyń sońǵy kúní eń belsendí studentter marapattalatyn Jana Béles festıvalíníń fınalyna, sondaı-aq jyl saıyn joǵary oqu oryndarynyń myqty komandalaryn jınaıtyn «Student Life» Jaıdarman studenttík oıynyna arnalady.
«Student’s Week ortaq jastar keńístígín qalyptastyrady, onda árbír student óz mańyzdylyǵyn sezíníp, ózín-ózí damytuǵa naqty múmkíndíkterdí kóre alady. Būl joba studenttík qauymdastyqty nyǵaıtyp, jastardyń óz áleuetín ashuyna, kózqarasy bírdeı dostar tabuyna jáne Almatynyń belsendí jastar ekojúıesíníń bír bólígí boluyna jaǵdaı jasaıdy», - dep atap óttí spıker.
Aıta keteıík, jyl saıyn ūıymdastyrylatyn Almaty Student’s Week jobasy joǵary oqu oryndary arasyndaǵy ózara baılanystardy kúsheıtíp, studentterdíń kóshbasshylyq jáne shyǵarmashylyq qūzyretterín damytady, azamattyq jauapkershílík mádenıetín qalyptastyrady jáne qala jastarynyń bastamashyldyǵyn qoldaıdy.
