2025 jylǵy 5 jeltoqsanda Oqushylar saraıynyń dóńgelek zalynda Almaty qalasynyń Jas saılaushylar klubynyń «Tsıfrlandyru jáne jasandy ıntellekttí engízu – negízgí demokratıyalyq úderísterdí damytu faktory» taqyrybyndaǵy ekínshí otyrysy óttí. Ís-sharany Almaty qalasy aumaqtyq saılau komıssıyasy ūıymdastyrdy.
Otyrysqa 70-ten asa adam – Jas saılaushylar klubynyń múshelerí, audandyq aumaqtyq saılau komıssıyalarynyń ókílderí, tsıfrlandyru salasynyń mamandary, sondaı-aq jastar ūıymdary men mektepterdíń ózín-ózí basqaru qūrylymdarynyń ókílderí qatysty.
Kezdesudíń moderatory Almaty qalalyq ASK tóraǵasy Aıgúl Kalykova boldy. Ol otyrysty ashyp, Prezıdenttíń «Jasandy ıntellekt dáuíríndegí Qazaqstan» atty Joldauynda aıqyndalǵan tsıfrlyq transformatsıyanyń mańyzdylyǵyn atap óttí.
Baǵdarlama ayasynda tómendegí bayandamalar ūsynyldy:
* Bostandyq audanynyń ASK tóraǵasy Sholpan Kalıaskarova – «Saılau úderísínde JI men tsıfrlyq qūraldardy qoldanu»;
* QR Prezıdentí janyndaǵy Memlekettík basqaru akademıyasy Almaty qalasy fılıalynyń dırektory Aınur Idrısova – «Belsendí azamattyq qoǵam qalyptastyrudaǵy jastarmen jūmystyń rólí»;
* «Almaty qalasyn damytu ortalyǵy» AQ basqarushy dırektory Ruslan Barmashyov – «Smart City jobalarynda JI qoldanu»;
* Mekteptíń ózín-ózí basqaru kóshbasshysy Maksım Pak – «Saılau úderísíndegí JI múmkíndíkterí».
Spıkerler tsıfrlyq tehnologıyalardy engízudíń naqty mysaldaryn keltírdí: saılaushylardyń elektrondy tízímderíne kóshu, aqparattyq qauípsízdíktí arttyru, jasandy ıntellekttí beıneanalıtıka júıelerínde, qalalyq Jedel basqaru ortalyǵynda, medıtsına men jol ınfraqūrylymynda qoldanu. Sonymen qatar byulletenderdí óńdeude, anomalıyalardy anyqtauda, saılaushylarǵa arnalǵan chat-bottarda jáne qoǵamdyq píkírdí taldauda JI-díń bolashaǵy sóz boldy. Sonymen bírge dıpfeıkter men algorıtmdík qısyqtyq sıyaqty táuekelderge de nazar audaryldy.
Shaqyrylǵan qonaqtar qatarynda Almatynyń jastar komyunıtı-ortalyqtarynyń jetekshílerí men olardyń orynbasarlary, sayası partıya ókílderí, sondaı-aq mektepterdíń ózín-ózí basqaru belsendílerí boldy.
Bayandamalardan keıín píkírtalas ótíp, qatysushylar tsıfrlyq transformatsıya, jasandy ıntellekttíń saılau ashyqtyǵyn arttyrudaǵy rólí jáne jastardyń demokratıyalyq úderísterge qatysuyn kúsheıtu máselelerí boıynsha oı bólístí.
Otyrys qorytyndysynda Aıgul Kalykova barlyq qatysushylarǵa belsendílík tanytqany úshín alǵys aıtyp, mūndaı kezdesuler jastardyń demokratıyalyq úderísterge qatysu mádenıetín qalyptastyruǵa yqpal etetínín atap óttí.
