Óńírlík kommunıkatsıyalar qyzmetínde ótken baspasóz máslıhatynda Almatydaǵy polıtsıya departamentíníń resmı ókílí Saltanat Ázírbek osylaı dep málímdedí, – dep habarlaıdy aqshamnews.kz tílshísí.
Bírínshí toqsanda ǵana Qazaqstanǵa shamamen 2,8 mıllıon adam kíríptí. Sheteldíkterdíń bíraz bólígí Almatyǵa kelgen. Soǵan qaramastan, qaladaǵy kóshí-qon máselesín baqylauda ūstap otyrmyz. Óńírlík kommunıkatsıyalar qyzmetínde ótken baspasóz máslıhatynda Almatydaǵy polıtsıya departamentíníń resmı ókílí Saltanat Ázírbek osylaı dep málímdedí.
Onyń aıtuynsha, Almaty turıster men eńbek mıgranttary úshín tartymdy ortalyqtyń bírí bolyp qala bermek. Bíraz elge vızasyz rejım jasalyp, kíríp-shyǵu jaǵy jeńíldep, uaqytsha tūru úshín qūjat rásímdep áure boludyń qajet bolmaı qalǵany da kelíp jatqandardyń sanynyń artuyna yqpal etken.
«Almaty qazír úlken ekonomıkalyq ortalyq qana emes, basty turıstík baǵyttyń bírí de. Sondyqtan kóbí osynda keledí», — deıdí Saltanat Ázírbek.
Qazír qalada 72 myńnan astam shetel azamaty kóshí-qon esebínde tūrsa, olardyń 54 myńnan astamy — írgeles elderdíń azamaty eken. Keletínder kóbeıgendíkten polıtsıyaǵa da baqylaudy kúsheıtuge tura kelíp jatyr.
Jyl basynan berí kóshí-qon zańnamasyn būzǵany úshín 4,3 myńnan astam shetel azamaty ákímshílík jauapkershílíkke tartyldy. Sondaı-aq, sheteldík jūmys kúshín zańsyz tartqany úshín 92 jūmys berushí de bírge jazalandy. Sot sheshímímen 741 adam elden shyǵarylyp, qūjaty joq 959 adam jeke basyn anyqtau úshín qabyldau-taratu ornyna ornalastyrylypty.
«Kóshí-qonnyń ósuí qūqyq qorǵau organdarynan júıelí jūmysty talap etedí. Bíz zań talabynyń saqtaluyn baqylauda ūstap, qūqyq būzushylyqtyń aldyn alyp jatyrmyz. Būl rette shetel azamattaryna da, olardy qabyldaushy tarapqa da erekshe nazar audarylady», — dep sózín tolyqtyrdy spıker.
Sonymen qatar, shetel azamattaryn qabyldau erejesín būzǵan 845 jeke jáne zańdy tūlǵa jauapkershílíkke tartylǵan. Polıtsıya jataqhana, hostelder men kelushíler tūratyn basqa da oryndardy tūraqty túrde tekseríp otyrady.
Mekeme ókílderí baqylaumen qatar, zań talabyn saqtaıtyn shetel azamattaryna qolaıly jaǵdaı jasau kerektígín de aıtty. Qalada «bír tereze» qaǵıdaty boıynsha qyzmet kórsetetín polıtsıyanyń qyzmet bólímderí men kóshí-qon qyzmetíníń ortalyqtary da jūmys ísteıtínín atap ótu kerek.
«Bízdíń míndetímíz baqylau júrgízu ǵana emes, sonymen qatar shetel azamattary úshín ashyq árí qolaıly jaǵdaı jasau. Qalanyń ár audanynda barlyq qyzmet túrín aluǵa bolatyn bólímsheler bar. Būl kez kelgen rásímdí jeńíldetíp, túsíníktí etuge múmkíndík beredí», — dep qosty Ázírbek.
Polıtsıya ókílí Almatydaǵy kóshí-qondy baqylap otyrǵandaryn aıtty.