Almatynyń Jetísu audanynyń sanıtarıyalyq-epıdemıologıyalyq baqylau basqarmasy bıyl tūrǵyndardan qatty otyndy paıdalanyp, aınalaǵa qoyu tútín taratatyn káuaphanalarǵa qatysty bírneshe shaǵym túskenín habarlady.
Shaǵymdardyń bírí Nazarbaev kóshesí, 28A mekenjaıyndaǵy nysanǵa qatysty boldy. Tūrǵynnyń aıtuynsha, onda antısanıtarlyq jaǵdaı ornap, mangaldan tútínníń tym kóp shyqqan. Júrgízílgen jospardan tys tekserís barysynda "Ayana" JK nysanynda jūmys turaly tıístí habarlama berílmegen, qatty otyn jaǵatyn mangal qoldanylǵan, qoqys konteınerí men deratızatsıya sharalary bolmaǵan, nysan íshínde ūshatyn jándíkter anyqtaldy degendeı bírqatar sanıtarlyq talaptyń būzylǵany anyqtaldy.Tekseru qorytyndysy boıynsha kásípkerge 68 810 teńge aıyppūl salynyp, zańbūzushylyqtardy joyu turaly nūsqama beríldí. Alaıda qaıtalama tekserís barysynda talaptardyń oryndalmaǵany anyqtalyp, sot nysan ıesíne qosymsha 393 200 teńge aıyppūl taǵaıyndady.
Sonymen qatar, Seríkov kóshesí, 41 mekenjaıyndaǵy "Altyn qazan" kafesíne ("Qūlager" JShS) qatysty da bírneshe shaǵym túsken. Tekseru barysynda mangaldyń qatty otynmen jūmys ísteıtíní jáne tūrǵyn úılermen japsarlas salynǵany, būl sanıtarlyq talaptarǵa qaıshy ekení árí tūrǵyndarǵa qolaısyzdyq tudyratyny anyqtaldy. Dámhana basshysyna 314 560 teńge aıyppūl salynyp, būzushylyqtardy joyu turaly nūsqama beríldí. Alaıda qaıta teksergende mangaldyń álí de alynbaǵany anyqtalyp, sot qosymsha 275 240 teńge aıyppūl taǵaıyndady.
Keıín osy nysan boıynsha taǵy bír shaǵym túsíp, mangaldan shyqqan tútín men kúıe qaıtadan tírkeldí. Tekseru nátıjesínde būzushylyqtar taǵy rastaldy. "Qūlager" JShS-ne 314 560 teńge mólsherínde aıyppūl salyndy, materıaldar mangaldy paıdalanuǵa tyıym salu máselesín sotta qarastyru úshín joldandy. Sot qatty otyn jaǵatyn mangaldy paıdalanuǵa tyıym salu turaly sheshím qabyldady.
Audannyń sanıtarlyq-epıdemıologıyalyq baqylau basqarmasy mūndaı qūqyqbūzushylyqtardy anyqtau jáne jolyn kesu jūmystary jalǵasatynyn atap óttí. Óıtkení qatty otynmen jūmys ísteıtín mangaldar shamadan tys tútín shyǵaryp, aua sapasyn nasharlatady jáne sanıtarlyq normalardy óreskel būzady.