Almatyda qūrǵaq shóptíń órtenuí bírte-bírte azaıyp barady, – dep habarlaıdy aqshamnews.kz tílshísí.
Aldyn alu jūmysyn kúsheıtkenníń arqasynda osyndaı nátıjege qol jetkízdík. Óńírlík kommunıkatsıyalar qyzmetínde ótken brıfıngte Almatydaǵy Tótenshe jaǵdaılar departamentíníń Memlekettík órt baqylau basqarmasynyń bastyǵy Konstantın Kanın osylaı dep habarlady.
Onyń aıtuynsha, Almaty aumaǵynda írí orman alqaptary joq, bíraq tabıǵı qordyń edáuír bólígín tauly jáne orman-sayabaq aımaqtary qūraıdy. Olardyń qatarynda Íle-Alatau ūlttyq parkíníń 20 myń 805 gektar aumaǵy, «Medeu» tabıǵı parkí (708,2 ga), sondaı-aq Baum toǵaıy (137,7 ga) bar. Jyl basynan berí jalpy aumaǵy 1,3 gektar bolatyn osyndaı 51 órt tírkelíptí. Būl byltyrǵy osy uaqytpen salystyrǵanda edáuír tómen eken.
«Tūrǵyndar ot jaqqan kezde abaılamaıdy, tūrmystyq qaldyqtan da keıde órt shyǵyp, qūrǵaq shóp lezde lap ete túsedí», — deıdí Konstantın Kanın.
Órt qaupí artatyn mausym qarsańynda qalada bírneshe aldyn alu jūmysy qolǵa alyndy. Atap aıtqanda, tūrǵyn úılerdíń shekaralary men tau bókterínde mıneraldandyrylǵan jolaqtar jasalyp jatyr. Audan ákímdíkterímen bírlesíp, mūndaı uchaskelerdíń 5,5 shaqyrymnan astamy jabdyqtalyp, 10 gektar aumaqtaǵy tez tūtaıtyn quraǵan ósímdík shabylǵan.
Órt oshaǵyn erte anyqtap, órt qauípsízdígíníń erejesín saqtau qajettígín turısterge eskertu maqsatynda Shymbūlaq, Medeu men Butakovka shatqalynyń úsh jerínde ūshqyshsyz ūshatyn apparat qoldana bastaǵan, sondaı-aq kameramen jabdyqtalǵan beınebaqylau júıesí de jūmys ísteıdí.
Sonymen qatar «Kók-Tóbe» teleradıo mūnarasynda ekí beınekamera jáne Alatau audanynyń ındustrıyalyq aımaǵynda bír kamera ornatylǵan.
Sonymen qatar qalada orman-sayabaq jáne tau bókterí aumaqtarynda kún saıyn kezekshílík atqaratyn jedel áreket etetín toptar da qūrylǵan.
Jedel áreket etu maqsatynda bıylǵy 30 nauryzdan bastap Íle-Alatau ūlttyq parkí, «Kók-Tóbe» parkí men Shymbūlaqtyń aumaǵynda mehanıkalandyrylǵan kúzet qyzmetí jūmys ísteı bastady.
«Órtke kóbíne adam sebep bolyp jatady. Sondyqtan bíz túsíndíru jūmysyn kúsheıtíp, tūrǵyndarǵa qauípsízdík erejesín qatań saqtau qajettígín barynsha eskertíp jatyrmyz», — dep atap óttí spıker.
Tūrǵyndar men turıster órt qauípsízdígí erejesín qatań saqtauy kerek:
– demalys ornynda qoqys pen tez tūtanatyn qaldyq qaldyrmańyz;
– janyp tūrǵan síríńke men temekí tūqylyn tastamańyz, qūrǵaq shóptí ádeıí órteuge jol bermeńíz;
– ot pen mangaldy arnaıy jabdyqtalǵan jerde ǵana paıdalanyńyz.
Sonymen bírge:
– ósímdígí qurap tūrǵan aumaqta;
– aǵashtyń asty men orman-sayabaq aımaǵynda;
– janǵysh materıaldan jasalǵan shatyr men qūrylystyń astynda;
– parkter, arnaıy jabdyqtalmaǵan demalys aımaqtarynda;
– tūrǵyn úılerde, sondaı-aq balkondar men lodjıyalarda;
– qūrylysta, garajda, shatyr men tóbede;
– ǵımarattar, qūrylystar men janǵysh materıaldar saqtalatyn oryndardyń mańynda
Órt qaupí artatyn kezde ashyq ot jaǵuǵa qatań tyıym salynady.