Qarttar aılyǵy ayasynda Almatydaǵy №11 Qalalyq emhanasy júre almaıtyn jáne júruí qıyn nauqastarǵa, múgedekterge jáne jalǵyzbasty zeınetkerlerge medıtsınalyq kómek ūıymdastyru boıynsha aktsıya ótkízdí.
Egde jastaǵy adamdarǵa dıagnostıkanyń qoljetímdílígín qamtamasyz etu maqsatynda emhana kólígí patsıentterdí úılerínen tekseríske jetkízíp, keıín kerí aparyp tastady. Barlyq zertteuler kezeksíz júrgízíldí. Patsıentter ultradybystyq zertteu, EhoKG, rentgenografıya, kompyuterlík tomografıyadan ótíp, dárígerlerden keńes aldy.
Aktsıyaǵa nauqastardy jol boıy alyp júrgen áleumettík qyzmetkerler de qatysty.
Qala tūrǵyndary men olardyń tuystary osyndaı sharanyń mańyzdylyǵyn atap ótíp, ūıymdastyrushylarǵa qamqorlyǵy men nazarlary úshín alǵys aıtty.
Mūndaı bastamalar jalǵyzbasty zeınetkerlerge uaqytyly tekserísten ótíp, medıtsınalyq qyzmetkerler tarapynan qoldau aluyna múmkíndík beríp, medıtsınalyq kómektíń sapasyn arttyruǵa yqpal etedí.