Almatyda bank sektory men mıkroqarjy ūıymdarynyń ókílderí qatysqan kezdesu óttí.
Onda Qazaqstan Respublıkasynyń jańa konstıtutsıyasy jobasynyń negízgí erejelerí talqylandy, – dep habarlaıdy aqshamnews.kz tílshísí.
Ís-sharaǵa qatysushylar aldaǵy referendumnyń mańyzdylyǵyn atap ótíp, eldíń negízgí zańyn jańartudy bírauyzdan qoldaıtyndaryn bíldírdí.
Qazaqstan Respublıkasy Qarjy naryǵyn retteu jáne damytu agenttígíníń tóraıymy Mádına Ábílqasymova qarjy sektory úshín tūraqty árí boljamdy qūqyqtyq orta asa mańyzdy ekenín atap óttí.
Onyń aıtuynsha, qarjy qauymdastyǵy ūsynylyp otyrǵan ózgerísterdíń mańyzyn jaqsy túsínedí jáne memleket basshysy ūsynǵan reformalar baǵytyn, sondaı-aq jańa konstıtutsıya jobasyn qoldaıdy.
«Qarjy sektory úshín qūqyqtyq ortanyń tūraqty árí boljamdy boluy óte mańyzdy. Memleket basshysynyń bastamasymen Qazaqstanda júrgízílíp jatqan qolaıly bıznes-klımat, sayası tūraqtylyq pen demokratıyalyq reformalar osyndaı ınvestıtsıyalyq ortany qalyptastyruǵa múmkíndík berdí», — dedí Mádına Ábílqasymova.
Ol sondaı-aq júrgízílíp jatqan reformalardyń nátıjesí eldíń joǵary ınvestıtsıyalyq reıtıngterínen kórínís tauyp otyrǵanyna toqtaldy. Qazaqstan halyqaralyq ūıymdar men reıtıngtík agenttíkterdíń oń baǵasyn alyp keledí. Būl halyqaralyq ınvestorlar men halyqtyń senímíníń joǵary ekenín kórsetedí.
Qazaqstan qarjygerlerí qauymdastyǵy keńesíníń tóraıymy Elena Bahmutova kezdesuge qatysushylardyń aldaǵy referendumdy talqylauǵa úlken qyzyǵushylyq tanytqanyn aıtty. Onyń sózínshe, jıynǵa jınalǵan adamdar belsendí túrde sūraqtar qoıyp, ūsynylyp otyrǵan ózgerísterge shynaıy qyzyǵushylyq bíldírdí.
«Búgín bedeldí spıkerler sóz sóılep, aldaǵy ózgeríster turaly aıtyp berdí. Adamdardyń eldegí jaǵdaıǵa alańdaıtyny jáne árí qaraı qalaı áreket etu kerektígín túsíngísí keletíní baıqaldy», — dedí ol.
Elena Bahmutova mūndaı kezdesuler azamattardyń belsendí azamattyq ūstanymyn qalyptastyruǵa yqpal etetínín aıtty. Onyń píkírínshe, talqylauǵa qatysqandardyń kópshílígí referendumǵa míndettí túrde qatysady.
«Bíz memleketímízdíń qūqyqtyq negízderí eleulí ózgeríske ūshyraıtyn shaqta tūrmyz. Referendumnan keıín konstıtutsıyalyq zańdarǵa jáne basqa da normatıvtík aktílerge ózgerís enedí», — dedí ol.
Óz kezegínde Qazaqstan mıkroqarjy ūıymdary qauymdastyǵynyń tóraǵasy Erbol Omarhanov qarjy sektory eldíń damuyna baǵyttalǵan bastamalardy qoldaıtynyn aıtty.
«Mıkroqarjy ūıymdary qauymdastyǵy, jalpy qarjy sektory sıyaqty, áleumettík, ádílettí árí quatty Qazaqstandy damytuǵa baǵyttalǵan Prezıdent sayasatyn qoldaıdy. Bíz azamattarymyzdy jáne qarjy salasyndaǵy áríptesterímízdí referendumǵa qatysyp, óz azamattyq ūstanymdaryn bíldíruge shaqyramyz», — dedí ol.
«Baǵaly qaǵazdardyń ortalyq depozıtarııí» AQ basqarushy dırektory Ernst Muslımhanov azamattardyń referendumǵa qatysuy azamattyq ūstanymnyń mańyzdy kórínísí ekenín atap óttí.
Onyń aıtuynsha, bárí dauys beruge kelíp, óz píkírín bíldíruí kerek.
«Ortalyq depozıtarıı referendumǵa qatysady. Men óz oı-píkírímdí bíldíríp, dauys beruím kerek dep esepteımín», — dedí ol.
Ernst Muslımhanov sondaı-aq spıkerlermen ótken kezdesu paıdaly bolǵanyn aıtty. Sebebí qatysushylar Konstıtutsıya jobasyn ázírleuge qatysqan mamandardan tíkeleı túsíndírme alu múmkíndígíne ıe boldy.
«Konstıtutsıya jobasyn ázírleudíń sebepterí turaly alǵashqy derekkózden estíp, būl ózgerísterdíń Qazaqstanǵa jáne elímízdíń odan árí damuyna qandaı áser etetínín túsínu óte paıdaly boldy», — dep qosty ol.
Kezdesu qorytyndysy boıynsha qatysushylar referendum ótkízudí bírauyzdan qoldap, eldíń bolashaǵyn aıqyndaıtyn sheshímderdí qabyldau barysynda azamattardyń belsene qatysqany asa mańyzdy ekenín atap óttí.