Búgín Almaty qalasy Mádenıet basqarmasyna qarasty Jambyl atyndaǵy qalalyq jasóspírímder kítaphanasy janynan jastardy, kreatıvtí qauymdastyqtardy jáne bílím men ınnovatsıyaǵa ūmtylǵan qala tūrǵyndaryn bíríktíretín «American Space & Makerspace» jańa mádenı-bílím beru ortalyǵy ashyldy.
Atalǵan ortalyq qala ákímdígíníń, AQSh Elshílígí men AQSh-tyń Almatydaǵy Bas konsuldyǵynyń, sondaı-aq jergílíktí seríktes ūıymdardyń qoldauymen ashyldy. Joba qala tūrǵyndarynyń bílím alu, shyǵarmashylyqpen aınalysu jáne zamanauı tehnologıyany meńgeru múmkíndígín keńeıtuge, sondaı-aq halyqaralyq mádenı jáne bílím beru yntymaqtastyǵyn nyǵaıtuǵa baǵyttalǵan.
Saltanatty rásímge Mádenıet basqarmasynyń basshysy Danıyar Álıev, Qazaqstan jazushylar odaǵynyń tóraǵasy Mereke Qūlkenov, AQSh-tyń Almatydaǵy Bas konsuly Mıshel Erkín, «Chevron International Petroleum Company» kompanıyasynyń Vıtse-prezıdentí Dılan Morgan, AQSh Bas konsulynyń baspasóz, mádenıet jáne bílím jóníndegí keńesshísí Hıra Kaur Kambodj, sonymen qatar bílím beru jáne mádenıet ūıymdarynyń ókílderí qatysty.
Ís-shara barysynda Almaty qalasy Mádenıet basqarmasynyń basshysy Danıyar Álıev óz qūttyqtau sózínde ortalyqtyń mańyzyn atap óttí: «Kítaphana – úlken mádenı orta. Qazaqta «Kez kelgen eldíń bolashaǵyn bílu úshín onyń jastaryna qara» degen dana sóz bar. Jastardyń bílím alyp, shyǵarmashylyq jáne zıyatkerlík tūrǵydan damuyna jol ashatyn osyndaı zamanauı ortalyqtyń kítaphanada ashyluy mádenıet salasyn damytudyń mańyzdy baǵyty sanalady. Būl bastama ekí eldíń arasyndaǵy mádenı yntymaqtastyqty nyǵaıtyp, ózara túsínístík pen seríktestíktí jańa deńgeıge kóteredí dep senemín» - dedí Danıyar Álıev.
«American Space & Makerspace» ortalyǵy – bílím men shyǵarmashylyqty, ınnovatsıya men tájírıbení ūshtastyrǵan zamanauı kópfunktsıonaldy alań. Mūnda AQSh unıversıtetterínde bílím aluǵa qyzyǵushylyq tanytqan jastarǵa keńes beru, aǵylshyn tílí kurstary men sóıleu klubtary, kásíbı jáne tsıfrlyq daǵdyny damytuǵa arnalǵan vorkshoptar, sondaı-aq kásípkerlík, kóshbasshylyq jáne azamattyq belsendílík baǵytyndaǵy baǵdarlamalar íske asyrylady.
Ís-shara ayasynda AQSh-tyń Almatydaǵy Bas konsuly Mıshel Erkín qūttyqtau sóz sóılep, ortalyqtyń mańyzyna toqtaldy: «American Space & Makerspace – adamdardy bíríktíretín, bílím men ınnovatsıya arqyly bolashaqqa jol ashatyn sením men seríktestík alańy. Bíz būl keńístíktíń jergílíktí qauymdastyqtyń naqty qajettílígíne jauap beríp, jastar úshín ashyq árí qoljetímdí bolyp qaluyn qamtamasyz etu maqsatynda qazaqstandyq seríktesterímízben bírlese jūmys ísteudí mańyzdy dep sanaımyz», – dedí Mıshel Erkín.
Sonymen qatar ortalyqta 3D-basyp shyǵaru, dızaın, robototehnıka, baǵdarlamalau, ǵylymı tájírıbeler men qoldanbaly shyǵarmashylyqqa arnalǵan zamanauı qūraldarmen jabdyqtalǵan Makerspace aımaǵy jáne amerıkalyq ádebıet būryshy qarastyrylǵan.
Jańa ortalyqtyń ashyluyna kítaphana oqyrmandary, ásírese jastar joǵary baǵa berdí. Bolashaqta AQSh-ta bílím aludy maqsat etken Arujan Mahanbetqalıeva áserín bólístí: «Men úshín būl joba – úlken múmkíndík. Mūnda AQSh unıversıtetteríne túsuge qajettí aqparat alyp, aǵylshyn tílímdí jetíldíríp, ózímdí kásíbı árí shyǵarmashylyq tūrǵydan damytuǵa bolady. Osyndaı keńístíktíń ashylǵany kóptegen studenttíń armanyn júzege asyruǵa jol ashady dep oılaımyn», – dedí Jambyl kítaphanasynyń tūraqty oqyrmany Arujan Mahanbetqalıeva.
Atalǵan joba qalalyq kítaphanalardyń uaqyt talabyna saı jańǵyryp, kítap oqu oryndary ǵana emes, sonymen qatar bílím, mádenıet, ınnovatsıya jáne halyqaralyq dıalogty damytatyn zamanauı qoǵamdyq keńístíkterge aınalyp kele jatqanyn aıqyn kórsetedí.