Almaty qalasynda polıtseıler jabaıy saudanyń aldyn alu, abattandyru erejeleríníń saqtaluyn baqylau jáne qoǵamdyq oryndardy lastau faktílerín anyqtau maqsatynda keshendí reıdtík ís-sharalar júrgízdí, - dep habarlaıdy aqshamnews.kz.
Qaladaǵy írí kıím-keshek bazarlarynyń bíríníń mańynda zańsyz qoıylǵan sauda núktelerí anyqtalyp, barlyǵy tolyqtaı joıyldy. Aumaq tazartylyp, tártíp ornatyldy. Bír ǵana reıdtíń nátıjesínde 80-nen astam azamat ákímshílík jauapkershílíkke tartyldy. Olardyń arasynda óz terrıtorıyasynda tıístí tártíptí qamtamasyz etpegení úshín bazar ákímshílígí de bar.
- Mūndaı ís-sharalar “Zań jáne tártíp” basym baǵyty ayasynda jáne mınıstr jarıyalaǵan Profılaktıka jylyna sáıkes júıelí túrde ótkízílíp keledí. Bízdíń míndetímíz - megapolıste qūqyq tártíbín qamtamasyz etu, tazalyqty saqtau jáne tūrǵyndar úshín qauípsíz, qolaıly jaǵdaı qalyptastyru. Sanıtarlyq jáne qoǵamdyq qauípsízdíkke qauíp tóndíretín kez kelgen qūqyqbūzushylyqqa aldaǵy uaqytta da batyl tosqauyl qoıylady, - dedí Almaty qalasy PD jergílíktí polıtsıya qyzmetí basqarmasynyń bastyǵy Ashat Qūlbaev.
Qala aumaǵynda tártíp ornatu jáne stıhıyalyq saudanyń jolyn kesu baǵytyndaǵy jūmystar júıelí túrde jalǵasady. Polıtsıya departamentí zańsyz sauda men aumaqty lastau tūrǵyndarǵa qolaısyzdyq tuǵyzatynyn, sondaı-aq qalanyń sanıtarlyq jáne qoǵamdyq qauípsízdígíne eleulí qater tóndíretínín eskertedí. Polıtsıya kásípkerler men qala tūrǵyndaryn abattandyru qaǵıdalaryn jáne zań talaptaryn saqtauǵa shaqyrady. Óıtkení árbír azamattyń jauapkershílígí – qalanyń tazalyǵy men tártíbíníń basty kepílí.