Almatyda polısıa qyzmetkerleri qoǵamdyq tártiptiń saqtalýyn qamtamasyz etý jáne turǵyndardyń qaýipsizdigin kúsheıtý maqsatynda qaladaǵy oıyn-saýyq oryndarynda keshendi tekserýler júrgizdi, - dep habarlaıdy Aqshamnews.kz.
Reıd barysynda kalán qoldanýǵa qatysty 40-tan astam quqyq buzýshylyq anyqtalyp, 50-den astam kalán apparaty tárkilendi. Sonymen qatar tıisti ruqsatsyz eńbek qyzmetin atqarǵan sheteldik azamattar jáne kámeletke tolmaǵandardyń oıyn-saýyq nysandaryna zańsyz kirý derekteri anyqtaldy. Barlyq materıaldar Qazaqstan Respýblıkasynyń zańnamasyna sáıkes odan ári qaraý jáne shara qabyldaý úshin joldandy.
– 2025 jyl – Profılaktıka jyly dep jarıalandy jáne bizdiń negizgi mindetimiz – quqyq buzýshylyqtardyń aldyn alý, qoǵamdyq tártipti nyǵaıtý jáne "Zań jáne tártip" qaǵıdatyn saqtaý. Erekshe jaýapkershilik oıyn-saýyq oryndarynyń ıeleri men ákimshiligine júkteledi, olar quqyq buzýshylyqqa jol bermeıtin jaǵdaı jasap, kelýshilerdiń qaýipsizdigin qamtamasyz etip, zań talaptaryn qatań oryndaýy tıis. Polısıa qyzmetkerleri júıeli tekserýlerdi jalǵastyryp, anyqtalǵan quqyq buzýshylyqtarǵa qatań shara qoldanatyn bolady. Bul árbir azamattyń ózin qaýipsiz sezinýi úshin qajet, – dep atap ótti Almaty qalasy polısıa departamentiniń qoǵamdyq qaýipsizdik basqarmasynyń bastyǵy Asqat Qulbaev.