Baǵdarlamanyń úlken blogy sút bezí qaterlí ísígíne arnaldy, dep habarlaıdy aqshamnews.kz tílshísí.
Almatyda Almaty onkologıya ortalyǵy «Almaty onkomorfologtary qauymdastyǵy» Qoǵamdyq bírlestígímen bírlesíp ūıymdastyrǵan ǵylymı-praktıkalyq «Patologtar mektebí - 2026» óttí.
Ǵylymı baǵdarlama ayasynda sarapshylar ókpeníń ūsaq jasushaly emes qaterlí ísígín dıagnostıkalaudyń zamanauı tásílderín, EGFR testíleuín, TROP2 qoldanu perspektıvalaryn, sondaı-aq tsıfrlyq patomorfologıyany damytudy jáne dıagnostıkada jasandy ıntellekttí qoldanudy talqylady.
Baǵdarlamanyń úlken blogy sút bezí qaterlí ísígíne arnaldy. Qatysushylar HER2-baılanysty jáne HER2-low ísíkterín dıagnostıkalau erekshelíkterín, BRCA jáne HRD testíleudíń zamanauı tásílderín jáne Dual SISH ádísín qoldanu múmkíndíkterín qarastyrdy.
Tájírıbelík jūmysqa erekshe nazar audaryldy: mamandar kúrdelí klınıkalyq jaǵdaılardy taldap, naqty mysaldarmen dıagnostıkalyq algorıtmderdí talqylaı otyryp, mıkroskopıyalyq demonstratsıyalar júrgízdí.
Sondaı-aq qatysushylar zerthanalyq protsesterdí standarttau jáne dıagnostıka sapasyn arttyru máselelerín talqylady. Ís-sharaǵa patolog-praktıkter men beıíndí sarapshylar qatysyp, zamanauı tásílder men kásíbı tájírıbelerímen bólístí.
«Patologtar mektebí - 2026» bílím men praktıkalyq tájírıbe almasu, onkomorfologıyanyń zamanauı múmkíndíkterín talqylau jáne dıagnostıka sapasyn odan árí arttyru alańyna aınaldy.