Almatyda «Ómír erte bastalady: shala tuǵan balalarǵa kómektesudegí ūlttyq basymdyqtar» taqyrybynda halyqaralyq ǵylymı-bílím beru konferentsıyasy bastaldy.
Alqaly jıyn – tájírıbe almasu, jetístíkterdí talqylau, jańa maqsattardy belgíleu jáne eń bastysy jaryq dúnıege qazír ǵana kelgen, bíraq salmaǵy az, jetíle qoımaǵan bóbekterdíń amandyǵy úshín kúsh bíríktíru múmkíndígí.
Konferentsıya spıkerlerí neonatologıyanyń ótkír máselelerín, máselen, «Shala tuǵan nárestelerdegí surfaktanttí terapıya», «Perzenthanadaǵy alǵashqy reanımatsıya jáne tūraqtandyru», «Neonataldy sepsıs» taqyryptaryn, Qazaqstan boıynsha eń alǵash bolyp bízdíń Almatyda ashylǵan, shala tuǵan sábılerdíń ósíp-jetíluíne kóp kómegí tıíp jatqan «Sút bankíníń» artyqshylyǵyn talqylauda. Árıne, jaryq dúnıe esígín ashatyn barlyq náresteníń tek anasynyń omyrau sútímen qorektenuí mańyzdy ekení de aıtyluda.
«Bíz būl konferentsıyamyzdy 17 qarashada atalyp ótken Halyqaralyq shala tuǵan náresteler kúníne arnaımyz. Bízdíń mamandar myqty árí júrektí, meıírímdí! 500 gramm bolyp tuǵan bóbekterdí de adam qataryna qosyp jatyr. Búgíngí kúní bílíktí dárígerlerdíń kúsh-jígeríníń, kútím jasaudaǵy zamanauı tehnologıyalardyń jáne memleket qoldauynyń arqasynda elímízde myńdaǵan bala salauatty jáne tolyqqandy ómír súruge múmkíndík aluda. Bíz Qazaqstannyń DDSŪ men YuNISEF-tíń halyqaralyq standarttaryn belsendí túrde engízíp, perınataldyq jelíní nyǵaıtyp, shala tuǵan nárestelerge kútím jasauda pánaralyq tásíldí damytyp otyrǵanyn maqtan tūtamyz», – dedí konferentsıya ūıymdastyrushysy professor Qarlyǵash Jūbanysheva.
Konferentsıyanyń ekínshí kúní erteń Almatydaǵy Perınatologıya jáne balalar kardıohırurgıyasy ortalyǵynda «sheberlík sabaqtarymen» jalǵasady.