Almatyda qoldanystaǵy «Bauyrjan Momyshūly» metro beketí men jańa «Qalqaman» beketí arasyndaǵy ūzyndyǵy 1593 metr bolatyn oń jaq baǵyttaǵy tonneldí qazu jūmystary tolyq ayaqtaldy.
Jol-kólík ınfraqūrylymyn damytu basqarmasynyń málímetínshe, qazírgí uaqytta temírjol tūtas tabandy tehnologıya boıynsha tóselíp jatyr. Sol jaq baǵyttaǵy tonnel tolyq daıyn: onda relster men baılanys relsí ornatylyp, barlyq ınjenerlík jelíler montajdalǵan.
Sonymen qatar «Qalqaman» beketí ǵımaratynyń qūrylysy ayaqtalyp, búgínde íshkí árleu jūmystary júrgízílude. Poıyz qozǵalysyn avtomattandyrylǵan basqaru júıesín qosa alǵanda, álemdík jetekshí óndírushílerdíń jabdyqtary jetkízílgen. Jaqyn arada olardy ornatu jáne baptau kezeńí bastalady.
Bas merdíger ūıymnyń ókílí Mūrat Úkshebaevtyń aıtuynsha, qala basshylyǵy qoıǵan míndetke sáıkes nysan qūrylysy táulík boıy júrgízílude. Normatıvtík merzím 24 aı bolǵanyna qaramastan, bekettíń negízgí qūrylysy shamamen 11 aı íshínde júzege asyryldy.
Qūrylys-montaj jūmystary bıylǵy jyldyń bírínshí jartyjyldyǵynyń sońyna deıín tolyq ayaqtalady dep josparlanyp otyr.
