Kazakhstan-Türkiye Youth Bridge jobasy 23-29 tamyz aralyǵynda ótedí, dep habarlaıdy aqshamnews.kz tílshísí.
Ystambūlda Qazaqstan men Túrkıya jastary arasyndaǵy kásíbı baılanysty damytuǵa jáne yntymaqtastyqty nyǵaıtuǵa baǵyttalǵan Kazakhstan-Türkiye Youth Bridge halyqaralyq jastar jobasy ótíp jatyr.
Joba barysynda qazaqstandyq jas sáuletshíler men beıíndí oqu oryndarynyń ókílderí túrík sáulet ónerín zerdelep, Osman dáuíríndegí qala qūrylysynyń erekshelíkterí men qazírgí sáulet óneríníń jańa baǵyttary jónínde bílím alady.
Baǵdarlamada Osman dáuíríníń alǵashqy jáne klassıkalyq kezeńderí, Túrkıya Respublıkasynyń qalyptasuy men Ystambūldyń zamanauı sáuletíníń damuyna arnalǵan dáríster men tájírıbelík sabaqtar qamtylǵan.
Qatysushylar qalanyń kórnektí nysandary men tarıhı-mádenı eskertkíshterín aralaıdy.
Baǵdarlama ayasynda tájírıbelík sheberlík sabaǵy da ūıymdastyrylady. Onda qatysushylar ózderíníń jobalaryn tanystyrady.
Kazakhstan-Türkiye Youth Bridge jobasy 23-29 tamyz aralyǵynda ótedí. Joba jas mamandardyń tájírıbe almasuyna, jańa kásíbı baılanys ornatuyna jáne ekí el jastary arasyndaǵy yntymaqtastyqty damytuǵa múmkíndík beredí.