Almatyda memlekettík rámízder jóníndegí komıssıya otyrysy óttí, – dep habarlaıdy aqshamnews.kz tílshísí.
Almaty qalasy ákímíníń orynbasary Abzal Núkenovtíń tóraǵalyǵymen Memlekettík rámízder jóníndegí komıssıyanyń kezektí otyrysy óttí. Jıynda Qazaqstan Respublıkasynyń Memlekettík rámízderí kúnín merekeleuge daıyndyq barysy, memlekettík rámízderdíń qoldanyluyna júrgízílgen monıtorıng nátıjelerí jáne olardy keńínen nasıhattau máselelerí qaraldy.
Otyrys barysynda memlekettík rámízderdíń el táuelsízdígí men memlekettílígíníń mańyzdy nyshandary ekení atap ótíldí. Memlekettík Tu, Eltańba jáne Ánūrannyń mártebesíne saı qoldanyluyn qamtamasyz etu, zań talaptarynyń saqtaluyn tūraqty baqylauda ūstau – barlyq memlekettík organdar men mekemelerdíń ortaq míndetí ekení aıtyldy.
Jıyn qorytyndysy boıynsha audan ákímderíníń apparattaryna, Bílím jáne Densaulyq saqtau basqarmalaryna memlekettík rámízderdí paıdalanu barysynda anyqtalǵan zań būzushylyqtardy joyu boıynsha qajettí sharalardy qabyldau tapsyryldy. Sonymen qatar, Íshkí sayasat basqarmasyna memlekettík organdarmen bírlesíp qoǵamdyq monıtorıng jūmystaryn jalǵastyru míndetteldí.
Komıssıya múshelerí jastar arasynda patrıottyq tárbıení kúsheıtu, memlekettík rámízderdíń mání men mańyzyn túsíndíruge baǵyttalǵan ís-sharalardy júıelí túrde ótkízudíń mańyzdylyǵyn atap óttí.
Otyrys qorytyndysynda memlekettík rámízderdí qūrmetteu mádenıetín qalyptastyru, olardy paıdalanu talaptarynyń saqtaluyn qamtamasyz etu jáne tūrǵyndar arasynda keńínen nasıhattau jūmystaryn jalǵastyru jónínde naqty tapsyrmalar beríldí.