Almatynyń Almaly audanynda jol qozǵalysynyń jańa shemasy pılottyq rejımde íske qosylady, – dep habarlaıdy aqshamnews.kz tílshísí.
25 mausymnan bastap Almatynyń Almaly audanyndaǵy bírneshe kóshede bírjaqty qozǵalys engízíledí. Būl turaly qalalyq Jol qozǵalysyn ūıymdastyru jáne jolaushylar kólígí basqarmasynyń ókílderí habarlady.
Jańa shemaǵa sáıkes:
* Prokofev kóshesínde Abaı dańǵylynan Kíshí Abaı kóshesíne deıíngí aralyqta – soltústík baǵytta;
* Kíshí Abaı kóshesínde Prokofev kóshesínen Brusılovskıı kóshesíne deıíngí aralyqta – shyǵys baǵytta;
* Túrkebaev kóshesínde Sátbaev kóshesínen Tóle bı kóshesíne deıíngí aralyqta – soltústík baǵytta bírjaqty qozǵalys ūıymdastyrylady.
Būl ózgeríster kóshede kólíktíń kóptep júru qabíletín arttyruǵa, kólík júktemesín azaıtuǵa jáne joldaǵy qauíptí jaǵdaıdyń aldyn aluǵa baǵyttalǵan.
Sheshím kólík legíne júrgízílgen taldau men audan tūrǵyndarynyń ótíníshí negízínde qabyldandy. Mamandardyń aıtuynsha, jańa shema kólík qozǵalysyn rettep, jol qozǵalysy qauípsízdígín arttyruǵa múmkíndík beredí.
Joba pılottyq rejımde júzege asyrylady. Onyń tıímdílígíne júrgízíletín monıtorıng qorytyndysy boıynsha jol qozǵalysyn odan árí ūıymdastyruǵa qatysty qosymsha sheshímder qabyldanady.
Eske salaıyq, būǵan deıín Medeu audanynda Dostyq dańǵylynyń Gogol kóshesínen Jíbek joly dańǵylyna deıíngí bólígínde soltústík baǵytta jáne Zenkov kóshesíníń Maqataev kóshesínen Gogol kóshesíne deıíngí bólígínde ońtústík baǵytta bírjaqty qozǵalys engízílgen bolatyn. Sondaı-aq, Áuezov audanyndaǵy Atameken kóshesíníń (Atameken shaǵynaudany) №103 úıden №108 úıge deıíngí bólígínde de ońtústík baǵytta bírjaqty qozǵalys ūıymdastyrylǵan.