Almatyda memlekettík rámízder kúníne oraı bírqatar merekelík ís-sharalar ótedí, – dep habarlaıdy aqshamnews.kz tílshísí.
Almatyda 4 mausym – Qazaqstan Respublıkasynyń Memlekettík rámízderí kúníne oraı auqymdy merekelík ís-sharalar ūıymdastyrylady. Baǵdarlama ayasynda saltanatty rásímder, konferentsıya jáne ashyq aspan astyndaǵy merekelík kontsert ótkízu josparlanǵan.
Merekelík kún saǵ. 12:30-da Medeu mūz aıdynynyń janynda Qazaqstan Respublıkasynyń Memlekettík Tuyn kóteru jáne Memlekettík Ánūrandy jappaı oryndau saltanatty rásímímen bastalady. Ís-sharaǵa qala tūrǵyndary, jastar, qoǵam qaıratkerlerí men memlekettík organdardyń ókílderí qatysady.
Sondaı-aq, saǵ.15:00-de Dostyq úıínde «Rámízder ruhy – Konstıtutsıya kúshí» atty konferentsıya ótedí. Konferentsıya barysynda qoǵam qaıratkerlerí, sarapshylar, jastar jáne studentter memlekettík rámízderdíń mańyzy, olardyń qoǵamdaǵy orny men patrıottyq tárbıedegí rólí turaly píkír almasady.
Keshkí uaqytta Kók-Tóbe alańynda Open-Air formatyndaǵy merekelík kontsert ūıymdastyrylady. 17:00-de bastalatyn kontsert barysynda qazaqstandyq estradanyń tanymal ónerpazdary patrıottyq ánder oryndap, kórermenderge erekshe merekelík kóńíl-kúı syılaıdy. Sahna tórínde Aıdar Tūrǵanbek, Tóreǵalı Tórálí, Ábdíjappar Álqoja, Tūrar, Aqbotanūr Seıtmaǵambet, Bayansulu, Dınaya, Ernar Jūmataev, sondaı-aq «KeshYOU», «Alashūly» jáne «Abyroı» toptary óner kórsetedí.
Sonymen qatar, qalanyń barlyq audandarynda jekelegen merekelík ís-sharalar legí ūıymdastyrylatyn bolady.
Merekelík sharalar ūlttyq qūndylyqtardy dárípteuge, qazaqstandyq patrıotızmdí nyǵaıtuǵa jáne memlekettík rámízderge degen qūrmettí arttyruǵa baǵyttalǵan.