Almatyda oqu jylynyń qorytyndysy boıynsha negízgí mekteptí (9-synypty) 30 380 oqushy sáttí ayaqtady, – dep habarlaıdy aqshamnews.kz tílshísí.
Olar úshín būl beles alǵashqy kúrdelí jeńís boldy. Jyldar boıy erekshe ynta-jíger tanytqan túlekter bólek qūrmetke laıyq: Almatynyń 2 168 mektep oqushysy 9-synypty úzdík bítírgení turaly attestat aldy.
11-synyp túlekterí úshín mektep ómíríníń sońǵy akkordy soǵyldy. Bıyl Almatyda orta mekteptí 20 803 túlek bítírdí. Qalanyń bílím beru júıesíníń maqtanyshyna aınalǵan «Altyn belgí» ıegerleríníń sany da kóńíl quantady - bıyl barlyq pánder boıynsha úzdík bílímderín dáleldegen 790 túlek mekteptíń eń joǵary marapatyna ıe boldy.
Būdan bólek, jalpy orta bílím beru kursyn (11-synypty) úzdík ayaqtaǵan 2 083 túlekke erekshe úlgídegí attestat tabystaldy, būl olardyń joǵary akademıyalyq mártebesín taǵy bír márte aıqyndady.
Sońǵy jyldary Almaty qalasynda attestat tapsyru saltanatyn kúndízgí uaqytqa ótkízu dástúrge aınalyp kele jatyr. Túlíkterdíń qauípsízdígí men qoǵamdyq tártíp, óskeleń mádenıettí saqtauǵa baǵyttalǵan būl dástúr bıyl da jalǵasyn tapty. Saltanatty jıyndarǵa árbír mekteptíń pedagogıkalyq ūjymy, túlekter, ata-analar, pedagogıkalyq eńbek ardagerlerí, Qamqorshylyq keńes múshelerí, Bílím basqarmasynyń jáne basqa da múddelí memlekettík organdardyń ókílderí qatysty.
Áuezov audanyndaǵy №202 mektep-gımnazıya túlekteríne attestat tapsyru saltanaty Oqushylardyń Innovatsıyalyq ortalyǵynda saltanatty tabystaldy. Árıne, mektep bítírushí túlekter úshín attestat tapsyru – ómírdegí eń mańyzdy árí este qalarlyq sátterdíń bírí. Mektep bítírushí túlekterdí mektep-gımnazıya dırektory Bolat Janaıhanūly, túlekterdíń ata-analary atynan Aıgúl Nurǵazyqyzy, «Altyn belgí» ıegerílerí Arujan Mırasqyzy, Aslan Maqsatūly, Shūǵyla Jūmabekqyzy, Baıjan Janıya, Aısáule Asqarqyzy, Ámına Ǵabıtqyzynyń tebíreníske toly tílekterí de kópshílíktí beı-jaı qaldyrmady.
Ǵasyrdan astam tarıhy bar aıtuly bílím oshaǵy №12 mektepte ótken attestat tapsyru saltanatty jıyny ózgeshe mánde ótkízíldí. Mektep dırektory Aıymgúl Dáuírbekova túlekterdí qūttyqtap, olardyń aldaǵy ómír jolyna sáttílík tíledí:
– Bıyl bízdíń mekteptí 141 túlek bítírse, olardyń 11-í «Altyn belgí» ıegerí atandy. Endí sízder alǵan bílímderíńízdíń arqasynda tańdaǵan oqu ornynyń studentí atanyp, qalaǵan mamandyq ıesí bolyńyzdar. Qazaq bílímíníń shamshyraǵy ańyzǵa aınalǵan altyn ūyanyń dańqy dáuírleı bersín, – dedí mektep basshysy.
Jıynda oqu ozattary men qoǵamdyq jūmystarǵa belsendí qatysqan oqushylardyń esímderí erekshe ataldy. Túlekter óz kezegínde bílím nárímen susyndatyp, ómírlík baǵyt-baǵdar bergen ūstazdaryna alǵystaryn bíldírdí. Ata-analar da balalarynyń jetístíkteríne quanyp, mektep ūjymyna rızashylyqtaryn jetkízdí.
Endí túlekterdíń aldynda úlken maqsattar men jańa belester tūr. Olar alǵan bílímderín el ıgílígí úshín jūmsap, Qazaqstannyń jarqyn bolashaǵyn qalyptastyruǵa óz úlesterín qosary sózsíz. Osynau qımastyqqa toly sátte ortaǵa shyqqan 11-synypty bítírushí túlekter ózderí túlep ūshqan altyn ūyaǵa degen íńkár sezímderín erekshe tebíreníspen jetkízdí. Almaty mektepteríne tán qalyptasqan dástúr – túlekter qaıyrymdylyq ís-sharalaryn ótkízíp, «Mektepke kítap syıla», «Mektepke syı» atty aǵash, gúl otyrǵyzu aktsıyalary men áleumettík az qamtylǵan otbasylar men arnauly emdeu mekemeleríne qoldau kórsetudí jalǵastyrdy.
Almaty qalasynyń Bílím basqarmasy barlyq túlekterdí, olardyń ata-analary men ūstazdaryn oqu jylynyń sáttí ayaqtaluymen shyn júrekten qūttyqtaıdy!
Árbír túlekter legí — shákírtteríne júrek jyluyn syılaǵan mūǵalímder men olardy árqashan qoldap otyrǵan ata-analardyń bírlesken auqymdy eńbegíníń nátıjesí. Barlyq bítírushílerge bolashaq mamandyqty tańdauda dūrys qadam jasap, joǵary oqu oryndaryna sáttí túsuleríne tílektespíz. Aq jol!