Qazaqstan 2012 jylǵy shyǵarylymdaǵy 2000 teńgelík banknotty qabyldaudy toqtatady, – dep habarlaıdy aqshamnews.kz tílshísí.
Osyǵan baılanysty Ūlttyq bank aınalym merzímí ayaqtalǵannan keıín de barlyq bank pen Qazposhta eskí úlgídegí banknottardy jańasyna taǵy úsh jyl boıy aıyrbastaı beretínín, al Ūlttyq bank fılıaldary mūny sheksíz uaqytqa deıín jalǵastyratynyn eske saldy.
Būryn 2012 jylǵy shyǵarylymdaǵy 10 000 teńgelík banknot ta mausym aıynyń sońynda aınalymnan alynady dep josparlanǵan, bíraq keıínnen onyń aınalym merzímí 2027 jyldyń shíldesíne deıín ūzartyldy.
"2000 jáne 10 000 teńgelík banknottardyń aınalymynyń bír mezgílde toqtatyluy bank júıesíne auyrtpalyq túsíruí múmkín. Sondyqtan merzímdí ūzartu adamdar men bızneske eskí banknottardy bírtíndep jáne yńǵaıly túrde jańalaryna auystyruǵa kómektesedí, sondaı-aq eskí banknottardyń tabıǵı tozuyn qamtamasyz etedí", – dep túsíndírdí Ūlttyq bank.
Būǵan deıín áleumettík jelílerde bes banknottyń jaqyn arada aınalymnan joıylatyny turaly jazba taraǵan. Olardyń arasynda ár túrlí jyldardaǵy shyǵarylǵan 500, 2000, 10000 jáne 20000 teńgelík banknottar boldy.