Meteorologtardyń málímetínshe, atmosferalyq fronttardyń ótuíne baılanysty Qazaqstannyń basym bólígínde jańbyr jauyp, naızaǵaı oınaıdy, – dep habarlaıdy aqshamnews.kz tílshísí.
Keı jerlerde nóser jańbyr jauyp, būrshaq túsíp, ekpíndí jel soǵady.
Sondaı-aq eldíń ońtústík-batysynda, soltústígínde jáne shyǵysynda shańdy dauyl tūruy múmkín. Al soltústík óńírlerde túngí jáne tańǵy uaqytta tūman túsedí.
Almaty, Pavlodar, Abaı jáne Jetísu oblystarynda qatty ystyq saqtalady. Būl óńírlerde aua temperaturasy +35...+38 gradusqa deıín kóteríledí. Al Almaty oblysynyń soltústígínde synap baǵany +40 gradusqa deıín jetuí yqtımal.
Sonymen qatar elímízdíń bírqatar óńírínde joǵary jáne tótenshe órt qaupí saqtalady.
Eń kúrdelí jaǵdaı Qyzylorda, Qostanaı, Aqmola, Pavlodar, Qaraǵandy, Shyǵys Qazaqstan, Almaty, Jambyl, Túrkístan oblystarynyń jekelegen audandarynda, sondaı-aq Ūlytau, Abaı jáne Jetísu oblystarynda kútíledí.