Almatyda 2025 jyldyń qorytyndysy boıynsha memlekettík qyzmettí damytu jūmysyn qorytyndylady: etıkaǵa baılanysty baqylau kúsheıíp, qanshama keńes berílíp, bíraz qūrylymdyq reforma júzege asty. Óńírlík kommunıkatsıyalar qyzmetínde ótken baspasóz máslıhatynda qala ákímí apparatynyń ádep jóníndegí uákílí Mamaı Ahetov osylaı dep málímdedí, – dep habarlaıdy aqshamnews.kz tílshísí.
Onyń aıtuynsha, memlekettík qyzmetshíler arasynda Ádep kodeksíníń normasyn túsíndíríp, qūqyq būzushylyqtyń aldyn aluǵa kóp kóńíl bólíníptí. Tek tórtínshí toqsanda memlekettík qyzmetkerlerge ǵana emes, azamattar men ūıymdarǵa da keńes beríp, kómek kórsetken. Sonymen qatar ondaǵan lektsıya men semınar da óttí.
«Ádep kodeksí qazír jaı bír qūjat emes, memleket pen qoǵam arasyndaǵy senímdí qalyptastyratyn praktıkalyq qūral. Azamattar tarapynan ashyqtyq pen aıqyndyqqa sūranys artyp keledí, memlekettík qyzmetkerler de soǵan saı boluy tıís endí. Sondyqtan bíz tek qūqyq būzushylyqqa qarsy kúrespen shektelmeı, onyń aldyn aluǵa kóp mán beremíz. Basty maqsatymyz — qyzmettegí ádepten aspaıtyn mádenıet qalyptastyru», — deıdí spıker.
Bír jyl íshínde Almaty ákímdígínde qūrylymdyq ózgeríster boldy. Ekonomıka jáne qarjy basqarmalary bíríktíríldí, tílder jáne onomastıka bólímí íshkí sayasat salasyna berílíp, qalalyq mobıldík basqarmasy ekí bólek organǵa bólíndí. Osyǵan baılanysty 96 memlekettík qyzmetshíge áleumettík qorǵau máselelerí boıynsha konsultatsıyalyq kómek kórsetíldí.
2025 jyly memlekettík qyzmetke alǵash ret 91 adam qabyldandy. Olarǵa túsíndíru jūmysy júrgízílíp, ashyq derekkózge qajettí aqparat shyqty.
Múddeler qaqtyǵysynyń aldyn aluǵa erekshe kóńíl bólínedí. Qalanyń 25 basqarmasy men 8 audandyq ákímdígínde jaqyn tuystardyń qyzmettes boluyna jol bermeu talaby tūraqty túrde tekserílíp tūrady. Ázírge baqylau nátıjesí mūndaı derektí anyqtaı qoıǵan joq.
Sonymen qatar qūqyqtyq jáne etıkalyq sauattylyqty arttyru baǵytynda júıelí jūmys júrgízílíp jatyr. Memlekettík qyzmetshílerge sybaılas jemqorlyqqa qarsy qyzmettíń materıaldary tanystyryp, qyzmettík mínez-qūlyq, qūmar oıyndarǵa qatysuǵa tyıym salu men dínı kózqarastardy tańuǵa jol bermeu taqyryptarynda lektsıyalar óte bastady. Būl baǵytta 184 ís-shara, onyń íshínde 66 semınar ūıymdastyryldy.
«Bíz qyzmetten tys mínez-qūlyqqa qatysty táuekelderdíń aldyn aluǵa da nazar audaramyz. Qūmar oıyny ótetín oryndarǵa baru, dínı salada beıtaraptyq saqtau — būl endí jeke másele emes, kásíbı jauapkershílík. Sondyqtan mūndaı taqyrypty únemí talqylap, túsíndíru qajet. Osy maqsatta oqytu formattaryn jáne ūjymdarmen ashyq dıalogty belsendí qoldanamyz», — deıdí Mamaı Ahetov.
Memlekettík qyzmet ísterí departamentímen bírlesíp, barlyq jergílíktí atqarushy organdarda qyzmetkerlerdí destruktıvtí dínı aǵymdarǵa tartudyń aldyn alatyn arnauly jınalys ótkízílíp jatyr. Olarǵa barlyq memlekettík qyzmetshíler qatysady.
Sonymen qatar túsíndíru jūmysynda memlekettík qyzmetshílerdíń qūqyǵy men kepíldígí, qyzmettegí teńdík pen kez kelgen qysym kórsetu túríne, onyń íshínde jynystyq qysymǵa jol bermeu jaǵyn nazarda ūstaımyz.
Būdan bólek, qoǵamdyq tártíp pen adamgershílíkke qatysty baptar boıynsha memlekettík qyzmetshílerdíń ákímshílík jauapkershílíkke tartyluyn baqylau da qolǵa alyndy. Taldau Bas prokuratura janyndaǵy «Taldau ortalyǵy» júıesíníń derekterí negízínde jasalyp, qalanyń barlyq audandyq ákímdígí men basqarmasyndaǵy jaǵdaıdy baǵalauǵa múmkíndík beredí.