Almatyda Memleket basshysynyń tapsyrmasyna sáıkes densaulyq saqtau salasynda 32 jańa nysannyń qūrylysy jáne 14 medıtsınalyq mekemení jańǵyrtu jobasy júzege asyryluda. Atalǵan jobalardyń qazírgí ahualy Almaty qalasy ákímí Darhan Satybaldynyń tóraǵalyǵymen ótken keńeste qaraldy.
Qūrylys jáne qoǵamdyq densaulyq saqtau basqarmalarynyń málímetínshe, 32 jańa nysannyń qūrylysy jáne 14 eskí nysandy jańǵyrtu josparlanǵan.
Qazír 6 jańa nysan paıdalanuǵa beríldí, 5 nysanda qūrylys-montaj jūmystary júrgízílude, al 10 joba boıynsha jobalyq-smetalyq qūjattama ázírlenu ústínde. Negízgí jobalardyń qatarynda Daraboz shaǵynaudanynda 300 oryndyq kópbeıíndí auruhana men 200 oryndyq perınataldyq ortalyq salu, sondaı-aq 250 oryndyq kópbeıíndí auruhana, onkologıyalyq ortalyq jáne bír auysymda 350 kelushíge arnalǵan emhanasy bar keshen qūrylysy bar.
Keńes barysynda jūmys ístep tūrǵan medıtsınalyq ūıymdardy kúrdelí jóndeu máselesí de jeke qaraldy. 2025 jyly 15 densaulyq saqtau nysany kúrdelí jóndeumen qamtyldy.
Keńes qorytyndysy boıynsha jobalardy belgílengen merzímde íske asyrudy qamtamasyz etu jáne salalyq basqarmalar arasyndaǵy úılestírudí kúsheıtu tapsyryldy.