Almaty qalasynyń № 2 Balalar qalalyq klınıkalyq auruhanasynyń dárígerlerí master-klass sheńberínde Qytaıdan kelgen mamannyń qatysuymen jambas organdarynyń funktsıyalary auyr būzylǵan 15 jáne 17 jastaǵy jasóspírímderge ekí ota júrgízdí.
Nauqastarǵa jūlynnyń tua bítken aqauy dıagnozy qoıylǵan: bel aımaǵyndaǵy spina bifida. Dúnıejúzílík densaulyq saqtau ūıymynyń málímetí boıynsha, spina bifida jıílígí 1000 jańa tuǵan nárestege 1-2 jaǵdaıdy qūraıdy.
№2 BQKA dırektory Marat Rabandıyarov habarlaǵandaı, auyr dıagnoz tek fızıkalyq júkteme kezínde jáne tómengí ayaqtardaǵy álsízdíkpen ǵana emes, sonymen qatar zár shyǵaru men defekatsıyanyń aıqyn būzyluymen de júrdí.
Mūndaı jaǵdaılar balanyń kúndelíktí belsendílígín, sportpen shūǵyldanuyn edáuír shekteıdí, sonymen qatar áleumettík jáne psıhologıyalyq oqshaulanuǵa ákeledí. Būl jaǵdaılarda konservatıvtí emdeu kútíletín nátıje bermedí.
Sakraldy neırostımulyatsıya-būl konservatıvtí terapıya tıímsíz bolǵan kezde qoldanylatyn jambas músheleríníń funktsıyasynyń būzyluyn hırurgıyalyq emdeudíń zamanauı ádísí.
Ota kezínde nauqastarǵa sakraldy omyrtqaǵa sakraldy stımulyatorlar ornatyldy. Hırurgıyalyq aralasudy №2 BQKA neırohırurgtary D.A. Sabdenalıev, A. A. Jaılǵanov, R. K. Tantsarova, anestezıolog-dáríger J. J. Sholahov pen otalyq medbıke B. D. Shagenova, shaqyrylǵan maman, professor Yonghui Guan qoldauymen oryndady.
Nauqastardy íríkteudí, sondaı-aq stımulyatordyń jūmysyn keıínnen súıemeldeudí jáne baptaudy nevropatolog-neırofızıologG.N. Kasenova júzege asyrady.
Gúlnūr Qasenovanyń aıtuynsha, otadan keıíngí kezeńde nauqastardy emdeudíń oń nátıjelerí, atap aıtqanda, zár shyǵaru funktsıyasynyń jaqsaruy baıqalady, būl ómír sapasyn edáuír arttyrady.
Álemníń jetekshí klınıkalarynda keńínen qoldanylatyn būl ádístí eldegí eń írí balalar medıtsınalyq ūıymdarynyń bíríníń hırurgıyalyq tájírıbesíne engízu otandyq densaulyq saqtau úshín mańyzdy oqıǵa bolyp tabylady jáne osyndaı kómekke mūqtaj balalarǵa ómír súru sapasyn jaqsartuǵa naqty múmkíndík beredí.
Joǵary tehnologıyalyq otalar balalarǵa míndettí áleumettík medıtsınalyq saqtandyru sheńberínde júrgízíledí. Esteríńízge sala keteıík, barlyq balalar MÁMS júıesínde memleketpen saqtandyrylǵan.