Almaty qalasynda jol jūmystarynyń sapasyn baqylau nátıjelerí turaly Óńírlík kommunıkatsıyalar qyzmetí alańynda Jol aktıvterí sapasynyń ūlttyq ortalyǵynyń Almatydaǵy bólímshesíníń basshysy Máulen Álípov bayandady.
2025 jyly Qalalyq mobıldík basqarmasymen jáne qalanyń segíz audanynyń ákímdígímen jasalǵan kelísímsharttar ayasynda 509 ınspektsıyalyq tekseru júrgízílíp, sonyń barysynda 1 385-ten astam jol-qūrylys materıaldarynyń úlgílerí íríktelíp, synaqtan ótkízíldí, - dep habarlaıdy Aqshamnews.kz.
Spıkerdíń aıtuynsha, synaq nátıjesí boıynsha 447 úlgí normatıvtík-tehnıkalyq talapqa saı kelmegen. Tekseru barysynda 154 qūqyq būzushylyq anyqtalyp, olar boıynsha tıístí ís-sharalar qabyldandy. 2022 jyly jol qūrylys materıaldaryn tekseru barysynda talapqa saı kelmeu deńgeıí 50% bolsa, osy jyly ondaı kórsetkísh 32%. Būl qūrylys materıaldarynyń sapasy artqanyn kórsetedí.
«Bízdíń negízgí míndetímíz – sapasyz ístelgen jūmysty qabyldap, aqysyn tóleuge jol bermeu. Saraptama qorytyndylarynyń nátıjesínde merdíger ūıymdar óz qarajaty esebínen shamamen 100 mln teńgeníń jūmysyn qaıta oryndady», – dep atap óttí Maulen Álípov.
Sondaı-aq ol tekserudíń sońyna qaraı Almaty qalasynyń Qala qūrylysy baqylau basqarmasyna 7 ótínísh joldanǵanyn, bír merdíger ūıymǵa 1,7 mln teńge kólemínde aıyppūl salynǵanyn da habarlady.
Ortasha jóndeu jobalaryna saraptama júrgízuge erekshe nazar audaryldy. 2025 jyly Jol aktıvterí sapasynyń ūlttyq ortalyǵy qaladaǵy 300-den astam kóshení qamtıtyn 72 jobaǵa saraptama júrgízdí. Saraptama tehnıkalyq qūjattamanyń negízdílígín, dūrystyǵyn baǵalaudy qamtıdy.
«Sapaly jobalyq qūjattama – joldardyń ūzaq qyzmet etuíníń negízí. Dál osy kezeńde keıínnen jabynnyń qyzmet etu merzímíne tíkeleı áser etetín parametrler qalyptasady», – dep atap óttí bólímshe basshysy.
Sonymen qatar Almatyda kóshe-jol jelísín dıagnostıkalau jūmysy da qyzu júríp jatyr. Bıyl osy zamanǵy jyljymaly jol zerthanasynyń kómegímen 839 shaqyrym kóshede aspaptyq dıagnostıka júrgízíldí. Keler jyly taǵy 2 257 shaqyrym jol jelísín tekseru josparlanyp otyr.
Spıkerdíń aıtuynsha, Qalalyq mobıldík basqarmanyń málímetí boıynsha 2025 jyly Almatyda 300 shaqyrym jolǵa ortasha jóndeu júrgízílíp, 35 shaqyrym jańa jol salynyp, 30 shaqyrym trotuar jóndeldí. Sonyń arqasynda joldyń jaǵdaıy 95%-ǵa jaqsaryp qaldy.
«Bíz úlken ınfraqūrylymdyq nysandardyń sapasyn da baqylauda ūstaımyz. Máselen, Seıfullın men Jansúgírov kóshesíníń qıylysyndaǵy kólík aıyryǵyn paıdalanuǵa beru kezínde 8 tekseru júrgízílíp, 18 synama alyndy, olardyń barlyǵy normatıvtík talaptarǵa sáıkes boldy. Mūndaı nysandar úshín kepíldík merzímí kemínde 5 jyldy qūraıdy», – dep habarlady Máulen Álípov.
Sonymen qatar qalada asfaltbeton jabyndaryn tóseudíń jańa tásílderí qoldanyla bastady. Jol tósemíníń joǵary temperatura men júktemege tózímdílígín arttyru maqsatynda polımerlík qospalary bar eksperımenttík qospalar paıdalanylyp, ǵylymı qauymdastyqtyń qatysuymen gıbrıdtí asfaltbeton qūramdaryn ázírleu jūmysy júrgízílíp jatyr.
«Sapany baqylap, jańa tehnologıyalardy engízu jol ınfraqūrylymyn ūzaq uaqytqa shydaıtyndaı sapaly etedí», – dep qorytyndylady spıker.
